चीनलाई भारतको चेतावनी-‘सीमामा तिम्रा सैनिक अघि बढे, हाम्रा सैनिकले सीधैं गोली चलाउने छन्’

काठमाडौं ,असोज ९
चीनलाई भारतले पिएएलका सैनिक अघि बढे भारतीय सैनिकले उनीहरुमाथि गोली चलाउने सक्ने चेतावनी दिएको छ । चीन र भारतबीच सीमा विवाद बढिरहेका बेला भारतले यस्तो चेतावनी दिएको हो ।

द हिन्दुलाई उदृद्ध गर्दै बीबीसी हिन्दीले उल्लेख गरेअनुसार भारतले चीनलाई स्पष्ट शब्दमा चेतावनी दिएको हो । भारतीय सैनिक अधिकारीले भनेका छन्– ‘अब हामीले चीनलाई भनिदिएका छौं कि यदि तपाईंहरु हाम्रो नजिक आउनु हुन्छ भने हामी गोली चलाउनेछौं । सैनिकलाई पनि आत्मरक्षामा गोली चलाउने अधिकार दिइएको छ ।’

पछिल्ला दिनमा पूर्वी लद्दाख त्यो ताल नजिकै भारती र चिनियाँ सैनिकबीच थुप्रै पटक हवाई फायरिङ भएको छ । भारत र चीनबीच भएको छैटौं चरणको वार्तामा दुबै देश सीमामा थप सैनिक नपठाउने विषयमा सहमत भएका छन् ।

भारत र चीनका सैनिकबीच जूनमा गलवान घाँटीमा झडप भएको थियो जसमा २० भारतीय सैनिकको मृत्यु भएको थियो । चीनले आफ्नो हताहत भएका सैनिकको संख्या जारी गरेको छैन ।