२०८१ बैशाख ४
April 16, 2024, Tuesday

रौतहटमा दम्पतीमाथि हमला गर्ने थप २ जना पक्राउ

रौतहटमा दम्पतीमाथि हमला गर्ने थप २ जना पक्राउ

काठमाडौं,असोज १०

रौतहटमा एक दम्पतीमाथि सांंघातिक हमला गर्ने कार्यमा संलग्न थप २ जनालाई प्रहरीले पक्राउ गरेको छ । धारिलो हतियार द्वारा गरिएको अन्धाधुन्द प्रहारबाट देवाही गोनाही–५ टिकुलियाका महेश तिवारी दम्पतीमध्ये श्रीमतीको मृत्यु भएको छ ।

घटनामा संलग्न रहेको अभियोगमा रामएकवाल मुखिया बिन र उनका एकजना आफन्त पक्राउ परेको इलाका प्रहरी कार्यालय गरुडाका प्रमुख डीएसपी रवि रावलले जानकारी दिए । यसअघि घटनालगत्तै प्रहरीले हत्यामा संलग्न रहेको आरोपमा बली मुखिया बिनलाई पक्राउ गरेको थियोे ।

जिल्लाको देवाही गोनाही नगरपालिकाको वडा नं ५ टिकुलिया बस्ने महेश तिवारी आफ्नै घर अगाडि केही छिमेकीसँग छलफल गरी बसेका बेला एक समूहले धम्की दिएको थियो । धम्कीलगत्तै महेश तिवारीले प्रहरी तथा आफन्त र केही राजनीतिक दलका स्थानीय नेतालाई मोबाइल फोनबाट घटना बारे जानकारी गराएका थिए । त्यसपछि शुक्रवार राति ८ः३० बजेको समयमा फेरि आएको सो समूहले एक्कासी तिवारी माथि आक्रमण सुरु गरेका थिए ।


सो क्रममा तिवारीको श्रीमती जगरानी देवीले उनलाई बचाउन खोज्दा उनीमाथि धारिलो हतियार प्रहार भएर मृत्यु भएको थियो । गम्भीर अवस्थामा रहेको महेशको वीरगन्जको एलएस न्यूरो अस्पतालमा उपचार भइरहेको छ । रौतहट प्रहरी प्रमुख एसपी सिद्धि विक्रम शाहले सांघातिक आक्रमण गर्नेहरु अन्यको खोजी भइरहेको बताए । केही महिना अघि गाउँमा बाटोको विषयलाई लिएर स्थानीय स्तरमा विवाद भएको र सोही विवाद अहिलेको अवस्थासम्म आइपुगेको बताइएको छ।

Related News

भोलिबाट काठमाडौँका यी क्षेत्रमा ६ घण्टा बिजुली जाने
भोलिबाट काठमाडौँका यी क्षेत्रमा ६ घण्टा बिजुली जाने
  • २०७७ आश्विन १०, शनिबार ११:१४ गते

काठमाडौँ, वैशाख ४ गते । काठमाडौँ उपत्यकाका यी क्षेत्रहरूमा भोलि (बुधवार) बाट वैशाख ८ गते सम्म ६ घण्टा बिजुली कटौती हुने...

सहकारीका बचतकर्ताको प्रश्न– हामी गरिब, दुःखीको सुनुवाइ कहिले हुन्छ ?
सहकारीका बचतकर्ताको प्रश्न– हामी गरिब, दुःखीको सुनुवाइ कहिले हुन्छ ?
  • २०७७ आश्विन १०, शनिबार ११:१४ गते

काठमाडौं।सहकारी बचतकर्ता संरक्षण राष्ट्रिय अभियान महासंघले सोमबार काठमाडौंमा गरेको पत्रकार सम्मेलनका क्रममा सहकारी वचतकर्ताहरुले दुःखेसो पोखेका छन् ।पत्रकार सम्मेलनका क्रममा...

आगो निभाउने क्रममा एकको मृत्यु
आगो निभाउने क्रममा एकको मृत्यु
  • २०७७ आश्विन १०, शनिबार ११:१४ गते

गुल्मी, वैशाख ३ गते । गुल्मीमा जङ्गलमा लागेको आगो निभाउने क्रममा एक जनाको मृत्यु भएको छ । यस जिल्लाको मुसिकोट नगरपालिका–...

TOP