२०७८ माघ ४
January 18, 2022, Tuesday

प्रहरी समायोजन गर्न संघीय सरकारलाई प्रदेश २ को पत्र

प्रहरी समायोजन गर्न संघीय सरकारलाई प्रदेश २ को पत्र

जनकपुर,असोज ११
प्रदेश २ का आन्तरिक मामिला तथा कानुनमन्त्री ज्ञानेन्द्र कुमार यादवले संघीय सरकारलाई यथासिघ्र प्रहरी समायोजन गर्न आग्रह गरेका छन् । गृहमन्त्रीलाई शुक्रबार एक पत्र लेख्दै उनले संघीय ऐन अनुसार यथाशीघ्र प्रहरी समायोजन गर्न आग्रह गरेका हुन् ।

मन्त्री यादवले गृहमन्त्री रामबहादुर थापा बादललाई पठाएको पत्रमा प्रहरी समायोजन नहुँदा शान्ति सुरक्षा कायम गर्न समस्या भएको गुनासो गरेका छन् । ‘कानुनतः प्रदेश प्रहरी प्रदेश सरकारप्रति उत्तरदायी हुनुपर्ने हो । तर व्यवहारमा प्रदेश प्रहरी प्रदेश सरकारप्रति उत्तरदायी हुन नसकेको अवस्था छ । परिचालन तथा खटनपटनको सम्बन्धमा समन्वय हुन सकेको छैन,’ पत्रमा उल्लेख छ ।

कोभिड १९ को कारणले प्रहरी समायोजनमा केही ढिलाइ हुन गएता पनि प्रदेश प्रहरीको संरचना कार्यान्वयनमा आइसकेको पनि पत्रमा उल्लेख छ ।

‘नेपाल प्रहरी र प्रदेश प्रहरीले सम्पादन गर्ने कार्यको सञ्चालन, सुपरिवेक्षण र समन्वय सम्बन्धमा व्यवस्था गर्न बनेको ऐन २०७६ कार्यान्वयनको सन्दर्भमा दफा १२ ९१० र १२ ९२० बमोजिम प्रदेश प्रहरीको परिचालन, खटनपटन लगायतका कार्य प्रदेशको आन्तरिक मामिला तथा कानून मन्त्रालय मार्फत गर्न गराउन आवश्यक व्यवस्थापन तथा हस्तान्तरण यथाशीघ्र गर्नु हुन अनुरोध छ’, पत्रमा भनिएको छ ।

नेपाल प्रहरी र प्रदेश प्रहरीले सम्पादन गर्ने कार्यको सञ्चालन, सुपरिवेक्षण र समन्वय सम्बन्धमा व्यवस्था गर्न बनेको ऐन, २०७६ राष्ट्रपति विद्या देवी भण्डारीबाट २०७६ माघमै प्रमाणीकरण भएको थियो ।

Related News

कोभिशिल्डको दोस्रो डोज पर्खिरहेका जेष्ठ नागरिकलाई २५ साउनदेखि खोप दिइने
कोभिशिल्डको दोस्रो डोज पर्खिरहेका जेष्ठ नागरिकलाई २५ साउनदेखि खोप दिइने
  • २०७७ आश्विन ११, आईतवार ०६:४५

२२ साउन, काठमाडौं । कोभिड-१९ विरुद्धको दोस्रो डोज खोप लगाउन बाँकी करिब १३ लाख ३८ हजार ६५ वर्ष माथिका जेष्ठ...

देशभरि थपियो १४३३ खोप केन्द्र
देशभरि थपियो १४३३ खोप केन्द्र
  • २०७७ आश्विन ११, आईतवार ०६:४५

२३ साउन, काठमाडौँ । स्वास्थ्य तथा जनसङ्ख्या मन्त्रालयले कोरोना भाइरसविरुद्धको खोप लगाउन खोप केन्द्र थप गरेको छ । मन्त्रालयका सहप्रवक्ता...

पत्रकार कुशलभ केसीको उदारता — आफुलाई आक्रमण गर्नेलाई आम माफी ।
पत्रकार कुशलभ केसीको उदारता — आफुलाई आक्रमण गर्नेलाई आम माफी ।
  • २०७७ आश्विन ११, आईतवार ०६:४५

काठमाडौँ । अनलाईन टीभी पत्रकार संघका केन्द्रीय उपाध्यक्ष तथा सञ्चार चौतारी डटकम र क्राइम टीभी नेपालका सञ्चालक पत्रकार कुशलभ केसीले...

TOP