एक लाख बढी नगदसहित ११ जुवाडे पक्राउ

Sancharchautari
प्रकाशित मिती: २०७७ आश्विन २१, बुधबार १२:५८ गते

कैलाली,असोज २१
कैलालीबाट तास खेलिरहेको अवस्थामा ११ जुवाडे पक्राउ परेका छन् । घोडाघोडी नगरपालिका-१० आमखोया बस्ने टेक बहादुर मल्लको घरमा तास खेलिरहेको अवस्थामा सोही ठाउँ बस्ने ३० वर्षीय दिलिप कठायत समेत ११ जनालाई मंगलबार राति प्रहरीले पक्राउ गरेको हो ।

उनको घरमा तास खेलिरहेको भन्ने खबर प्राप्त हुनासाथ ईलाका प्रहरी कार्यालय सुख्खडबाट खटिएको प्रहरीले नगद १ लाख ३५ हजार ५ सय रुपैयाँ, २ गड्डी तास र १ थान मण्डी सहित फेला पारी उनीहरुलाई पक्राउ गरेको हो ।

Post Views: 322