काठमाडौं,असोज २४
डा. गोविन्द केसीको तर्फबाट गठित वार्ता टोलीले सरकारले डा. केसीको ज्यानै लिने नियत राखेको ठहर गरेको छ । टोलीले सरकारले वार्ता प्रक्रियालाई अनिश्चितकालसम्म लम्ब्याएर अनशनरत डा। केसीको ज्यानै लिने नियत राखेको आरोप लगाएको हो ।
गत बिहीबार सिंहदरबारस्थित शिक्षा मन्त्रालयमा दुई पक्षबीचको छलफलपछि बनेको मस्यौदालाई शुक्रबार व्यापक परिवर्तन गरी ल्याइएको टोलीको निष्कर्ष छ ।
विज्ञप्तिमा भनिएको छ, ‘तर, असोज २३ गते राज्यको राजनीतिक नेतृत्व पक्षले उक्त समझदारीबाट पछि हट्दै प्रक्रियागत कुरामा मात्र नभई सारभुत विषयमा फरक कुरा समेट्न प्रयास गर्यो । त्यस क्रममा अनौपचारिक पहलमार्फत् डा। केसी केही बुँदामा थप लचिलोसमेत हुनुभयो र सरकार पक्षले वार्ता समझदारीमा टुंगिने आश्वासन दियो । तर असोज २३ गते दिनभर सरकारी पक्षले आलटाल गरेर वार्तामा ढिलाइ गर्यो । साँझ ढिलो गरी भएको वार्तामा सरकारी पक्ष २२ गते बनेको मस्यौदामा गम्भीर हेरफेरसहितको नयाँ मस्यौदा लिएर प्रस्तुत भयो । यसबाट राजनीतिक नेतृत्वको गैरजिम्मेवारी र संवेदनहीनता मात्र नभई बेइमानी र वार्ता प्रक्रियालाई अनिश्चितकालसम्म लम्ब्याएर डा.केसीको ज्यानै लिने नियत समेत उदाङ्गो भयो ।’
टोलीका संयोजक डा। जीवन क्षेत्रीद्वारा जारी विज्ञप्तिमा मुलुकभर दबाबमूलक कार्यक्रम जारी राख्नसमेत अपिल गरेको छ । यस्तै आजै १२ बजे काठमाडौंको माइतीघर मण्डलामा प्रदर्शन हुनेसमेत विज्ञप्तिमा उल्लेख गरिएको छ ।
पश्चिमी वायुको प्रभावले बागमती, कोशी र गण्डकी प्रदेशमा निरन्तर वर्षा भइरहेको छ। देशभर बदलीसँगै केही दिन वर्षा जारी रहने जल...
काठमाडौं- स्वास्थ्य तथा जनसङ्ख्या मन्त्रालय र विश्व स्वास्थ्य संगठन (डब्लुएचओ) तथा सेन्ट ज्यूड चिल्ड्रेन रिसर्च इन्सिच्युटबीच बालबालिकामा हुने क्यान्सर रोगको...
काठमाडौँ। काठमाडौं उपत्यकामा मौसमी फ्लु भनी अनुमान गरिएका केही बिरामीमा कोभिड १९ पुष्टि भएको छ। उपचारका लागि त्रिवि शिक्षण अस्पताल...