कोरोना संक्रमित परीक्षार्थीले लोक सेवाको परीक्षा दिन नपाउने

काठमाडौं,असोज २६
कोरोना भाइरस (कोभिड -१९) संक्रमितले संक्रमणकै अवस्थामा लोकसेवाको परीक्षा दिन नपाउने भएका छन् ।

लोक सेवा आयोगले संक्रमणको विशेष अवस्थामा परीक्षा (सञ्चालन तथा व्यवस्थापन) सम्बन्धी मापदण्ड २०७७ मा सो कुरा उल्लेख गरेको छ । ‘परीक्षार्थी कोरोना संक्रमण भए वा नभएको स्वयमले घोषणा गर्नु पर्नेछ। संक्रमित परीक्षार्थीले केन्द्रमा प्रवेश गर्न हुने छैन,’ मापदण्डमा उल्लेख छ ।

त्यस्तै सो मापदण्ड अनुसार एक सय जना परीक्षार्थीको लागि एक परीक्षा केन्द्र कायम गरिने छ । एउटा परीक्षा हलरकोठामा बढीमा २५ जना परीक्षार्थी रहने गरी व्यवस्थापन गरिनेछ ।

यस्तै परीक्षामा खटिने जनशक्तिहरूलाइ स्वास्थ्य सुरक्षा मापदण्ड अनिवार्य रूपमा पालना गर्न, मास्क, पञ्जा, फेससिल्ड लगाउन तथा सेनिटाइजरको प्रयोग गर्न लगाउनुपर्नेछ । परीक्षार्थीहरूलाइ पनि अनिवार्य रूपमा मास्क लगाउन, सेनिटाइजरको प्रयोग गर्न र भौतिक दुरी कायम गर्न लगाउनुपर्नेछ ।