२०८१ बैशाख ६
April 18, 2024, Thursday

थुलुङ राई मातृभाषा शिक्षक नियुक्ति गर्दै थुलुङ दुधकोशी गाउँपालिका

थुलुङ राई मातृभाषा शिक्षक नियुक्ति गर्दै थुलुङ दुधकोशी गाउँपालिका

काठमाडौं,कार्तिक ४
सोलुखुम्बुस्थित थुलुङ दुधकोशी गाउँपालिकाले करारमा थुलुङ राई मातृभाषाको शिक्षक नियुक्ति गर्ने भएको छ ।सो गाउँपालिका अध्यक्ष तथा गाउँपालिका महासंघ प्रदेश नं. १ का कोषाध्यक्ष असिम राईको अध्यक्षतामा गत आइतबार बसेको कार्यपालिकाको बैठकले थुलुङ राई मातृभाषा शिक्षक करारमा नियुक्ति गर्ने निर्णय गरेको गाउँपालिकाका प्रवक्ता तथा ९ नं. वडाध्यक्ष भूपालसिंह राईले जानकारी दिए ।

प्रवक्ता राईका अनुसार आव ०७७र७८ को गाउँसभाबाट थुलुङ राई मातृभाषा शिक्षक नियुक्तिको लागि विनियोजित बजेटबाट शिक्षक करारमा नियुक्ति गरिनेछ । यस्तै बैठकले कक्षा १ देखि ५ सम्मको किरात थुलुङ राई भाषाको पाठ्यक्रम स्वीकृत समेत गरेको छ । हाल थुलुङ राई संस्कृति प्रतिष्ठानले थुलुङ राई भाषाको कक्षागत किताबहरु तयारी गर्दै आइरहेको छ । विसं २०७५ सालमा साहित्यकार खुक्सङ खम्बु राईको संयोजकत्वमा गठित थुलुङ राई भाषा पाठ्यक्रम विकास समितिले कक्षा १ को पाठ्यपुस्तक सार्वजनिक गरेको थियो भने समिति प्रतिष्ठानमा गाभिएपछि कक्षा २ र ३ को किताब प्रतिष्ठानले तयार गरेको छ ।

तयारी पाठ्यक्रम तथा पाठ्यपुस्तक सोलुखुम्बु र खोटाङका विभिन्न विद्यालयहरूमा हाल पढाइ भइरहेको छ । ओखलढुङ्गा र भोजपुरमा पनि चाँडै पढाइ शुरु हुने प्रतिष्ठानका अध्यक्ष निर्कुधन थुलुङ राईले जानकारी दिए ।

गाउँपालिकाको यस ऐतिहासिक निर्णयलाई सिङ्गो थुलुङ राई समुदाय र विशेषतः आदिवासी अगुवाहरू तथा सचेत वर्गहरुले तारिफ गरिरहेको प्रतिष्ठानका महासचिव तथा गायक पदम थुलुङले बताए ।

Related News

एन्फाका उपाध्यक्ष लामा छुटे
एन्फाका उपाध्यक्ष लामा छुटे
  • २०७७ कार्तिक ४, मंगलवार ११:२४ गते

अखिल नेपाल फुटबल संघ (एन्फा) का उपाध्यक्ष दावा लामा रिहा भएका छन् । बुधबार पक्राउ परेकाका लामालाई सर्वोच्च अदालतले यसअघि...

बस र सुमो ठोक्किँदा सात घाइते
बस र सुमो ठोक्किँदा सात घाइते
  • २०७७ कार्तिक ४, मंगलवार ११:२४ गते

बनेपा, वैशाख ६ गते । बिपी राजमार्ग अन्तर्गत काभ्रेपलान्चोकको नमोबुद्ध नगरपालिका –२ बेलामा बिहीबार बिहान भएको सवारी दुर्घटनामा सात जना यात्रु...

६० किलो सुन तस्करी प्रकरण : इन्टरपोलबाट जीवन चलाउनेविरुद्ध डिफ्युजन नोटिस जारी
६० किलो सुन तस्करी प्रकरण : इन्टरपोलबाट जीवन चलाउनेविरुद्ध डिफ्युजन नोटिस जारी
  • २०७७ कार्तिक ४, मंगलवार ११:२४ गते

काठमाडौँ । ६० किलो सुनमा जोडिएका जीवन चलाउनेविरुद्ध अन्तर्राष्ट्रिय प्रहरी संगठन ‘इन्टरपोल’ बाट डिफ्युजन जारी गरिएको छ । नेपाल प्रहरीको अनुरोधमा...

TOP