गण्डकी प्रदेशका मुख्यमन्त्री र मन्त्रीहरुको चाडपर्व भत्ता कोरोना कोषमा

काठमाडौं,कार्तिक ५
गण्डकी प्रदेशका मुख्यमन्त्री र मन्त्रीहरूको चाडपर्व भत्ता गण्डकी प्रदेश सरकारले मुख्यमन्त्री र मन्त्रीहरुको चाडपर्व भत्ता कोरोना रोकथाम, नियन्त्रण तथा उपचार कोषमा जम्मा हुने भएको छ ।

गण्डकी प्रदेश सरकारको मन्त्रिपरिषद्को बुधबार बिहान बसेको बैठकले मुख्यमन्त्री र मन्त्रीहरुको चाडपर्व भत्ता कोरोना रोकथाम, नियन्त्रण र उपचार कोषमा जम्मा गर्ने निर्णय गरेको हो ।

कोरोना महामारीका बेला सांसद तथा मन्त्रीले दशैं भत्ता लिएको भन्दै सामाजिक सञ्जालमा विरोध उठेको थियो । भत्ताको आलोचना भएपछि सांसद तथा मन्त्रीहरूले धमाधम भत्ता बापतको रकम फिर्ता गरिरहेका छन् ।