भारतीय गुप्तचर संस्था ‘रअ’ प्रमुख किन आए काठमाडौं ?

काठमाडौँ,कार्तिक ५
भारतीय गुप्तचर संस्था ‘रअ’ का प्रमुख सामन्तकुमार गोयल काठमाडौं आएका छन् । बुधबार दिउँसो चार्टर्ड विमानमा काठमाडौं आइपुगेका उनी ८ घण्टा बसेर बेलुकी ९ बजे फर्कने बताइएको छ ।

उनको भ्रमण औपचारिक नभएको स्पष्ट पार्दै व्यक्तिगत वा धार्मिक भ्रमणमा आएको हुन सक्ने स्रोतको भनाइ छ ।

नोभेम्बर पहिलो साता भारतीय सेना प्रमुख एमएम नरबाणेको भ्रमणको पूर्वसन्ध्यामा गोयल आउनुलाई अर्थपूर्ण रुपमा लिइएको छ । भ्रमणका सम्बन्धमा परराष्ट्र मन्त्रालय र नेपालस्थित भारतीय दूतावासले भने केही बताएको छैन ।