२०८० चैत्र १६
March 29, 2024, Friday

चितवनमा देउसीभैलो खेले तत्कालै कारबाही

चितवनमा देउसीभैलो खेले तत्कालै कारबाही

भरतपुर,कार्तिक २२
चितवनमा देउसीभैलो खेल्न नपाइने भएको छ । जिल्ला प्रशासन कार्यालय चितवनले असोज २७ गतेनै जारी गरिएको १४ बुँदे निर्देशनको बुँदा नम्बर ३ मा भेलाभई गरिने शुभकामना आदानप्रदान, देउसीभैलो, खेलकुद लगायतका क्रियाकलाप सञ्चालन नगर्न अनुरोध गरिएको छ । सहायक प्रमुख जिल्ला अधिकारी नेत्रप्रसाद शर्माले निर्देशन अटेरी गर्नेलाई कारबाही हुने बताउनुभयो ।

आवागमन तथा जमघटले कोरोना संक्रमण उच्च हुने जोखिम रहेकाले चाडपर्व मनाउँदा एकाघरमा बसेर मनाउन सुझाएको छ । उहाँका अनुसार घरदैलोमै पुगेर खेलिने देउसीभैलोका कारण संक्रमणको जोखिम भएकाले देउसीभैलो खेल्न पूर्ण रोक लगाइएको छ । “यही २६ गते बस्ने बैठकले थप निर्णयहरु सार्वजनिक गर्नेछ”, उहाँले भन्नुभयो, “दशैदेखि छठसम्मका चाडपर्व लक्षित गरेर सार्वजनिक सूचना जारि गरिसकेका थियौँ, फेरी सूचना निकाल्ने छौँ ।” पटाका, अतिसबाजी लगायतका विष्फोटक पदार्थ ओसार पसार तथा प्रयोग नगर्न समेत अनुरोध गरेको छ ।

“सुरक्षा संयन्त्रलाई सक्रिय बनाउँदै छौँ, एकिकृत सुरक्षा योजना तयार छ”, उहाँले भन्नुभयो, “निर्देशन अटेर गर्नेलाई फिल्डमै तत्कालै कारबाही गर्नेछौँ ।” जुवातास, चिट्ठा खेल्ने लगायतका गतिविधिमा समेत रोक लगाइएको छ । “मेला, सांस्कृतिक कार्यक्रम पनि नगरौँ”, उहाँले भन्नुभयो, “कोरोनाको जोखिम बढ्दो छ, सबैले एकाघारमै बसेर पर्व मनाउँ ।” चितवनमा २१ गतेसम्म ४ हजार ८ सय ६० जनामा कोरोना संक्रमण भैसकेको छ । जसमध्ये ७२ जनाले ज्यान गुमाएका छन् । चितवनमा हाल १ हजार ६ सय ६३ जना सक्रिय संक्रमित छन् ।

Related News

मिटर ब्याजका पाँच मुद्दामा मिलापत्र
मिटर ब्याजका पाँच मुद्दामा मिलापत्र
  • २०७७ कार्तिक २२, शनिबार ०७:५० गते

चितवन । अनुचित लेनदेन (मिटर ब्याज)का मुद्दा जिल्ला प्रहरी कार्यालयबाट हेर्न थालेसँगै चार निवेदनमा मिलापत्र गराइएको छ । जिल्ला प्रशासन...

दुर्गा प्रसाईंले पाएको हतियार इजाजतबारे छानबिन गर्न समिति गठन
दुर्गा प्रसाईंले पाएको हतियार इजाजतबारे छानबिन गर्न समिति गठन
  • २०७७ कार्तिक २२, शनिबार ०७:५० गते

काठमाण्डाै – गृह मन्त्रालयले मेडिकल व्यवसायी दुर्गाप्रसाद प्रसाईंका नाममा रहेको अर्धस्वचालित हतियारको इजाजतपत्र र नवीकरणबारे छानबिन गर्न समिति गठन गरेको...

अझै केही दिन वर्षा हुने
अझै केही दिन वर्षा हुने
  • २०७७ कार्तिक २२, शनिबार ०७:५० गते

पश्चिमी वायुको प्रभावले बागमती, कोशी र गण्डकी प्रदेशमा निरन्तर वर्षा भइरहेको छ। देशभर बदलीसँगै केही दिन वर्षा जारी रहने जल...

TOP