मोटरसाइकल चोरी गर्ने गिरोह चितवनमा पक्राउ

काठमाडौं,कार्तिक २३

मोटरसाइकल चोरी गर्ने एक समूहलाई चितवन प्रहरीले पक्राउ गरेको छ । चितवन लगायत विभिन्न जिल्लामा मोटरसाइकल चोरी गर्ने तथा चोरीको मोटरसाइकल खरिद गर्ने ७ जनालाई चितवन प्रहरीले आज सार्वजनिक गरेको हो ।

प्रहरीले मोटरसाइकल चोरी गर्ने बारा जिल्ला करैयमामाइ गाँउपालिका वडा नम्बर ५ घरभई हाल खैरहनी नगरपालिका वडा नम्बर ९ बस्ने बर्ष २८ को विजय चौधरी, सोही स्थान ५ घर भई हाल भरतपुर ३ बस्ने बर्ष १९ को राकेश चौधरी, बारा केल्हवी नगरपालिका वडा नम्बर ७ बस्ने बर्ष २४ को महेश चौधरीलाई पक्राउ गरेको छ । त्यस्तै भरतपुर महानगरपालिका वडा नम्बर २ का २६ वर्षीय दिनेश गुरुङ र भरतपुर ११ बस्ने बर्ष २५ को मनोज दराई समेत पक्राउ परेका छन् ।

उनीहरूको साथबाट प्रहरीले विभिन्न कम्पनीका ७ वटा मोटरसाइकल समेत बरामद गरेको छ । त्यस्तै प्रहरीले उनीहरूसँग चोरीको मोटरसाइकल खरिद गर्ने खैरहनी नगरपालिका वडा नम्बर १२ बस्ने बर्ष २४ को समिर चौधरी र सोहि स्थानका २८ वर्षीय अमित चौधरीलाई समेत पक्राउ गरेको छ ।

पक्राउ परेकाहरुलाई आज पत्रकार सम्मेलन गरि सार्वजनिक गरिएको थियो । चोरी भएका मोटरसाइकलहरुको खोजी गर्ने क्रममा प्रहरीले उनीहरुलाई पक्राउ हो । प्रहरी आफैँ ग्राहक बनेर समेत अनुसन्धानमा खटिएको थियो ।

उनीहरूको साथबाट प्रहरीले ग १० प ९६०७ नं।को बजाज पल्सर २०० एन एस मोटरसाईकल ९वास्तविक नम्बर ना ५३ प ९७६४००, प्रदेश ०३–०२–००९ प ६८२९ नं।को सेतो केटिएम २०० सि।सि।मोटरसाईकल, प्रदेश ०३-०३-००१ प ५२२६ नं.को २२० सि.सि. को मोटरसाईकल पार्टपुर्जा खोलेको अवस्थामा फेला पारेको छ ।

यस्तै बा५६ प ५९९५ नं को २०० सि.सि. को केटिएम मोटरसाईकल, ना१८प ६३२ नं- को १५० सि।सि। को पल्सर मोटरसाइकल, प्रदेश ३–०३–००१प ३४९६ नं। को १५० सि।सि। मोटरसाइकल, बा।८१प- ५११४ नं- को २२० सि.सि. को पल्सर मोटरसाइकल बेवारिसे अवस्थामा फेला परेको प्रहरीले जनाएको छ ।