२०८० आश्विन १६
October 3, 2023, Tuesday

अवैध लागूऔषध सहित ५ जना पक्राउ

अवैध लागूऔषध सहित ५ जना पक्राउ


काठमाडौं,कार्तिक २४

नागार्जुन नगरपालिका-३ ईचङ्गुनारायण बस्ने लाल बहादुर बिष्टलाई १ ग्राम १ सय मिलिग्राम अवैध लागूऔषध खैरो हेरोईन जस्तो देखिने पदार्थ र १ किलो १ सय ८० ग्राम चरेस जस्तो देखिने वस्तु सहित आइतबार राति प्रहरीले पक्राउ गरेको छ । बिष्टको घरमा लागूऔषध लुकाई राखेको भन्ने गोप्य सूचनाको आधारमा खटिएको प्रहरीले उनको कोठामा तलासी गर्दा उक्त परिमाणको पदार्थ र वस्तु सहित फेला पारी उनलाई पक्राउ गरेको हो ।

यस्तै सप्तरीको हनुमाननगर कंकालनी नगरपालिका-१४ बैरियाघाटबाट नियन्त्रित लागूऔषध ५० एम्पुल फेनारगन, ५० एम्पुल बुप्रिनोर्फिन र ५० एम्पुल डाइजेपाम सहित २ जनालाई प्रहरीले पक्राउ गरेको छ । पक्राउ पर्नेहरुमा सप्‍तकोशी नगरपालिका-१ बस्ने ३० वर्षीय भुमिराज थापा र सोही नगरपालिका-२ बस्ने ३५ वर्षीय ब्रिटिस थापा मगर रहेका छन् ।

प्रहरी चौकी रामपुरमल्हनियाबाट खटिएको प्रहरीले भारतबाट नेपालतर्फ आउँदै गरेको स८ प ९०९५ नम्बरको मोटरसाइकललाई जाँच गर्दा मोटरसाइकल चालक ब्रिटिस र मोटरसाइकलमा सवार भुमिराजलाई उक्त परिमाणको लागूऔषध सहित फेला पारी पक्राउ गरेको हो ।

यसैगरी बाँके, नेपालगञ्ज उपमहानगरपालिका-१० जमुनाहबाट ८० ट्याब्लेट नियन्त्रित लागूऔषध नाइट्राभेट सहित २ जनालाई आइतबार दिउँसो प्रहरीले पक्राउ गरेको हो । पक्राउ पर्नेहरुमा बर्दिया राजापुर नगरपालिका-५ बस्ने २० वर्षीय डम्मर चलाउने र नेपालगंज उपमहानगरपालिका-१६ बस्ने २४ वर्षीय फरमान राई रहेका छन् । लागूऔषध नियन्त्रण व्युरो नेपालगञ्ज र ईलाका प्रहरी कार्यालय जमुनाहबाट खटिएको प्रहरीले भारतबाट नेपालतर्फ आँउदै गरेका उनीलाई उक्त लागूऔषध फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको बताइएको छ ।

Related News

गुण्डानाईकेले हत्या गरेका चेतन मानन्धरको परिवार डर त्रासमा (भिडिओ सहित )
गुण्डानाईकेले हत्या गरेका चेतन मानन्धरको परिवार डर त्रासमा (भिडिओ सहित )
  • २०७७ कार्तिक २४, सोमबार ०९:०१ गते

बाँके प्रहरीले गत सोमबार दिउँसो सुर्खेतरोडमा भएको हत्या प्रकरणमा संलग्नलाई पक्राउ गरी सार्वजनिक गरेको थियो । चेतनको हत्या गर्न नेपालगञ्जको...

न्युरोडमा गएराति अज्ञात समूहद्वारा एक युवकको हत्या
न्युरोडमा गएराति अज्ञात समूहद्वारा एक युवकको हत्या
  • २०७७ कार्तिक २४, सोमबार ०९:०१ गते

 काठमाडौं न्युरोडमा गएराति ११ बजे अज्ञात समूहले धारिलो हतियार प्रहार गरी एक युवकको हत्या गरेको छ ।इन्द्रजात्रा हेर्न न्युरोड पुगेका...

दिनदहाडै खुँडा हानेर युवकको हत्या गर्ने गुण्डालाई आममाफी विरुद्धमा भोलि माइतीघर मण्डलामा रिले अनशन बस्ने
दिनदहाडै खुँडा हानेर युवकको हत्या गर्ने गुण्डालाई आममाफी विरुद्धमा भोलि माइतीघर मण्डलामा रिले अनशन बस्ने
  • २०७७ कार्तिक २४, सोमबार ०९:०१ गते

नेपाल भन्ने देशमा हत्यारालाइ आम माफी दिने प्रचलन बढे सङ्गै सर्वसाधारणमा डर अनि त्रास फैलिन थाले पछि यो रिले अनशन...

TOP