फिफा विश्वकप छनोट : पाराग्वेसँग अर्जेन्टिनाको बराबरी

काठमाडौँ,कार्तिक २८
दक्षिण अमेरिकी क्षेत्रको विश्व कप छनौट अन्तर्गत अर्जेन्टिना बराबरीमा रोकिएको छ । शुक्रबार सम्पन्न खेलमा अर्जेन्टिना पराग्वेसँग १-१ गोलको बराबरीमा रोकिएको हो ।

अर्जेन्टिनाका लागि निकोलस गोन्जालेजले खेलको ४१औ मिनेटमा गोल गर्दै खेल बराबरी गरेका थिए । यस अघि पराग्वेका लागि खेलको २१औ मिनेटमा एन्जल रोमेरोले पेनाल्टीबाट गोल गर्दै शुरुवाती अग्रता लिएका थिए ।

यो बराबरीपछि अर्जेन्टिना अंक तालिकामा शिर्ष स्थानमा उक्लिएको छ । अर्जेन्टिनाको ३ खेलमा २ जित र एक बराबरीसहित ७ अंक रहेको छ । त्यस्तै पराग्वेको भने एक जित र २ बराबरीसहित ५ अंक रहेको छ ।

विश्वकपमा दक्षिण अमेरिकाका १० देश मध्ये यस क्षेत्रबाट शिर्ष स्थानमा रहने ४ देश विश्वकपका लागि छनौट हुने छन भने एक देश अन्तरमहादेशीय छनौट खेल्न पाउने छन् ।