२०७९ असार १४
June 28, 2022, Tuesday

उदाउँदो सूर्यलाई अर्घ्य दिई समापन भयो छठ पर्व

उदाउँदो सूर्यलाई अर्घ्य दिई समापन भयो छठ पर्व

काठमाडौं,मंसिर ६
छठ पर्वको विधिवत समापन भएको छ । छठ पर्वका बर्तालुले आज विहान उदाउँदो सूर्यलाई अर्घ्य दिइ छठ पर्वको विधिवत अन्त्य गरेका हुन् । तिन दिन सम्म मनाईने छठ पर्वमा बर्तालुले सुर्य भगवानको पुजा आराधना गर्ने गर्छन् । हिजो साँझ बर्तालुले अस्ताउँदो सुर्यलाई पुजा आराधना गरेका थिए ।

तराईमा धुमधामपूर्वम मनाईने छठ आजभोली पहाडी क्षेत्र र समुदायमा पनि फैलँदो छ । काठमाडौं उपत्यका तथा तराईका जिल्लाहरु जोडिएका पहाडी जिल्लाहरुमा समेत छठ पर्व धुमधामले मनाइने गरेको छ ।

चतुर्थीदेखि शुरू भई षष्ठीका दिन बेलुकी अस्ताउन लागेको र सप्तमीका दिन उदाउँदो सूर्यलाई अर्घ्य दिई पूजाअर्चना गरी छठ समापन गर्ने परम्परा छ ।

छठका व्रतालुहरु आज विहान सूर्योदयसँगै नजिकका खोला किनारा, तलाउहरुमा गएर दुवै हत्केलामा पिठार र सिन्दूर लगाई अक्षता, फूल लिई आफ्नो खेतबारीमा उपादन भएका सामग्री र घरमा बनाइएको विशेष प्रकारको पकवान सूर्यलाई अर्घ्य दिने गर्छन् ।

छठ पर्वमा सुर्यको उपासना गर्दा अर्धमा ठकुवा, कसार, केरा, उखु, मेवा मिष्ठान, गेँडागुडी र विभिन्न वनस्पति, भुसवा, माटोको हात्ती, सूप, कनसुपती, कलशसहितको घैँटो सूर्यलाई अर्पण गर्ने चलन छ । सूर्यलाई दिइने अर्घ्यमा ठकुवालाई समृद्धि, उखुलाई आरोग्य, केरालाई विष्णु र कृषि उत्पादनलाई प्रकृतिप्रति कृतज्ञताको द्योतकका रुपमा लिइन्छ ।

तराईका ठूलो शहर विराटनगर, विरगञ्ज, राजविराज, नेपालगञ्ज, भैरहवा, सौराहा आदी क्षेत्रमा छठ पर्वलाई विशेष महत्वका साथ मनाउने गरिन्छ ।

ऋग्वेदमा सूर्य नै बल, यश, चक्षुस्रोत, आत्मा र मन भएको कुरालाई ध्यानमा राखी पनि व्रतालुले यो पर्वमा सूर्यको आराधना गरी मनोवाञ्छित फल प्राप्त गर्ने गरेको विश्वास छ ।

यसपटक विगतका वर्षहरु जस्तो भब्यताका साथ छठपर्व मनाउन सकिएन । कोरोना संक्रमणका कारण आज जनताले सामाजिक दुरी कायम गर्नुपर्ने बाध्यता रहेकाले छठ पर्वमा पनि असर पर्यो । त्यसो त पारिवारिक भेटघाट गर्ने तथा भिडभाड हुने कुनैपनि पर्वोत्सवहरु सामाजिक दुरी कायम गरेरै मनाउन सरकारले अनुरोध गरेको छ ।

विगतमा स्थानीय नदी, तलाउमा विशेष साजसज्जाका साथ छठ पर्व मनाइने गरिन्थ्यो । यसपटक ब्रतालुले आ–आफ्ना घर अगाडी पानी जमाएर छठ पर्व मनाएका छन् ।

Related News

विज्ञ भन्छन्- दिसामा पाइने जीवाणु खानेपानीमा मिसिंदा काठमाडौंमा हैजा फैलियो
विज्ञ भन्छन्- दिसामा पाइने जीवाणु खानेपानीमा मिसिंदा काठमाडौंमा हैजा फैलियो
  • २०७७ मंसिर ६, शनिबार ०४:५०

काठमाडौं – काठमाडौंको खानेपानीमा दिसामा पाइने जीवाणु भेटिएको छ। जसले गर्दा हैजा फैलिएको विज्ञहरूले बताएका छन्। काठमाडौंमा हैजाका बिरामी देखिएपछि...

शरणार्थीहरुलाई परिचयपत्र दिने सरकारको तयारी
शरणार्थीहरुलाई परिचयपत्र दिने सरकारको तयारी
  • २०७७ मंसिर ६, शनिबार ०४:५०

१३ असार, काठमाडौं । सरकारले नेपालमा रहेका र विगतमा विभिन्न कारणले परिचयपत्र पाउनबाट छुटेका शरणार्थीहरुलाई परिचयपत्र दिने तयारी गरेको छ...

मल उपलव्ध गराउन राप्रपा लमजुङद्धारा एक घण्टे धर्ना तथा कोणसभा
मल उपलव्ध गराउन राप्रपा लमजुङद्धारा एक घण्टे धर्ना तथा कोणसभा
  • २०७७ मंसिर ६, शनिबार ०४:५०

लमजुङ । तत्काल मल उपलब्ध गराउन राष्ट्रिय प्रजातन्त्र पार्टी लमजुङले सरकारलाई ध्यानाकर्षण गराउन कृषि ज्ञान केन्द्र लमजुङमा एक घण्टे धर्ना...

TOP