२०८१ बैशाख ६
April 18, 2024, Thursday

मेसीले बार्सिलोनामै करियर सकाएको हेर्न चाहन्छु : ग्वार्डिओला

मेसीले बार्सिलोनामै करियर सकाएको हेर्न चाहन्छु : ग्वार्डिओला

काठमाडौं,मंसिर ६
म्यानचेस्टर सिटीका प्रशिक्षक पेप ग्वार्डिओलाले लिओनल मेसीले बर्सिलोनामै करिअर समापन गरेको हेर्ने चाहना रहेको बताएका छन् । बिहीबार मात्रै सिटीसँग दुई वर्षको सम्झौता नवीकरण गरेका ग्वार्डिओलाले आफ्नो पूर्व खेलाडीको बारेमा प्रश्न गर्दा यस्तो जवाफ दिएका हुन् ।

बार्सिलोनामा मेसीको सम्झौता अर्को समरमा सकिँदैछ । अर्को वर्ष जनवरी १ पछि मेसीले स्पेन बाहिरको कुनै पनि क्बलसँग प्रि कन्ट्रयाक्ट गर्न सक्छन् । ग्वार्डिओलाले सम्झौता नवीकरण गरेपछि मेसीसँग उनको नाम जोडिएको थियो । मेसीले गत समयमा क्लब छाड्ने मनसाय व्यक्त गरेपछि उनी सिटी जाने हल्लासमेत चलेको थियो ।

‘लिओनल मेसी बार्सिलोनाका खेलाडी हुन् । मैले हजारौँ पटक यो भनेको छु । एक समर्थकको रुपमा म चाहन्छु लिओ त्यही अन्त्य गरुन्,’ उनले भने, ‘तर उनको सम्झौता यसै वर्ष सकिँदैछ र मलाई थाहा छैन उनको दिमाखमा के हुनेछ । अहिलेका लागि उनी बार्सिलोनाका खेलाडी हुन् ।’

यस्तै ग्वार्डिओलाले बार्सिलोनासँग आफ्नो घनिष्ट सम्न्ध रहेको पनि बताए । उनले भने, ‘क्लबले मेरो लागि जे गरेको छ त्यसको लागि म बार्सिलोनाप्रति आभारी छु ।’

सन् २००८ देखि २०१२ सम्म क्याटलान क्लबको प्रशिक्षक रहेका ग्वार्डिओलाले मेसीसँग काम गरेका थिए । ‘एकेडेमीमा, खेलाडीका रुपमा, प्रशिक्षकका रुपमा, उनीहरुले मलाई सबैथोक दिए । अहिले मेसी बार्सिलोनाकै खेलाडी हुन् र जुन र जुलाईमा ट्रान्सफर विन्डो नआउँदासम्म त्यहीं रहनेछन्,’ उनले भने ।

ग्वार्डिओलाले अहिले खेलमा उपलब्धी हासिल गर्ने नै आफ्नो एकमात्र टार्गेट रहेको बताए ।

Related News

एन्फाका उपाध्यक्ष लामा छुटे
एन्फाका उपाध्यक्ष लामा छुटे
  • २०७७ मंसिर ६, शनिबार ०६:५६ गते

अखिल नेपाल फुटबल संघ (एन्फा) का उपाध्यक्ष दावा लामा रिहा भएका छन् । बुधबार पक्राउ परेकाका लामालाई सर्वोच्च अदालतले यसअघि...

बस र सुमो ठोक्किँदा सात घाइते
बस र सुमो ठोक्किँदा सात घाइते
  • २०७७ मंसिर ६, शनिबार ०६:५६ गते

बनेपा, वैशाख ६ गते । बिपी राजमार्ग अन्तर्गत काभ्रेपलान्चोकको नमोबुद्ध नगरपालिका –२ बेलामा बिहीबार बिहान भएको सवारी दुर्घटनामा सात जना यात्रु...

६० किलो सुन तस्करी प्रकरण : इन्टरपोलबाट जीवन चलाउनेविरुद्ध डिफ्युजन नोटिस जारी
६० किलो सुन तस्करी प्रकरण : इन्टरपोलबाट जीवन चलाउनेविरुद्ध डिफ्युजन नोटिस जारी
  • २०७७ मंसिर ६, शनिबार ०६:५६ गते

काठमाडौँ । ६० किलो सुनमा जोडिएका जीवन चलाउनेविरुद्ध अन्तर्राष्ट्रिय प्रहरी संगठन ‘इन्टरपोल’ बाट डिफ्युजन जारी गरिएको छ । नेपाल प्रहरीको अनुरोधमा...

TOP