विदेश जानेहरुको कोरोना परीक्षण लेभल-ए प्रयोगशालामा मात्रै :प्रवक्ता गौतम

काठमाडौं,मंसिर ७
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले विदेश जानेहरूले अबदेखि सरकारका लेभल(ए प्रयोगशालामा मात्रै पीसीआर परीक्षण गराउनु पर्ने बताएका छन् ।

आज ९आइतबार० को प्रेस ब्रिफिङका क्रममा उनले सरकारले यस्तो निर्णय गरेको जानकारी गराएका हुन् । ‘विदेश जानेहरुको हकमा कोभिड १९ परीक्षण नेपाल सरकारका लेभल ए प्रयोगशालाबाट मात्रै गर्नेगरी व्यवस्था गर्नेरगराउने । सोको जानकारी स्वस्थ्य तथा जनसंख्या मन्त्रालय, परराष्ट्र मन्त्रालय, संस्कृति पर्यटन तथा नागरिक उड्डयन मन्त्रालय र कोभिड १९ संकट व्यवस्थापन केन्द्रलाई दिने पनि निर्णय भएको छ,’ प्रवक्ता गौतमले भनेका छन् ।

अहिले पिसिआर परीक्षण हुँदै आएका देशभरका ७८ वटा प्रयोगशाला मध्ये ३४ वटा प्रयोगशालालाई लेभेल(ए को मान्यता दिइएको छ । अब यी ३४ वटा प्रयोगशालाले मात्र विदेश जाने व्यक्तिको पिसिआर परीक्षण गर्न पाउने छन् ।

यस्तै उनले वैदेशिक यात्रा प्रयोजनका लागि आवश्यक कोभिड- १९ पीसीआर परीक्षण गर्दा नमुना दिने व्यक्तिको पहिचानका लागि बायोमेटिक वा सो किसिमको अन्य प्रणाली लागु गर्नेरगराउने निर्णय भएको पनि जानकारी गराए ।