विष्णु माझि र कुलेन्द्रको ‘भिटामीन यु ’बजारमा (भिडियोसहित)

काठमाडौं, मंसिर ७
लोकदोहोरी गायिका विष्णु माझि र गायक कुलेन्द्र विकको आवाजमा सजिएको ‘भिटामिन यु’ बोलको गीत सार्वजनिक गरिएको छ । सो गीतलाई आफ्नो मनको अफिसियल युट्युब च्यानलबाट सार्वजनिक गरिएको हो ।

कृष्ण केसीले कोरेको शब्दमा हरि लम्सालले संगीत भरेका छन् भने, कृष्ण विक भान्जा ले एरेञ्ज गरेका छन् ।
पछिल्लो समय विष्णु माझिको आवाजमा गीतहरु कमै आउन थालेका थिए । माझिका श्रीमान् सुन्दरमणि अधिकारीले उनको पारिश्रमीक बढाएका कारण उनको आवाजमा गीत कम रेकर्ड हुन थालेका हुन् । तर अहिले भने फाट्टफुट्ट उनको आवाजमा गीत रेकर्ड हुन थालेका छन् ।

उक्त गीतमा कलाकार पल शाह, दुर्गेश थापा र गरिमा शर्मा फिचर्ड छन् । जसमा मौसम हिमालीको निर्देशन र प्रविन भट्टको सम्पादन रहेको छ ।