६९ अंकले ओरालो लाग्यो नेप्से,ब्याजदरमा अस्वस्थ प्रतिस्पर्धा चल्दा सेयर बजार प्रभावित

काठमाडौं । सेयर बजार प्रभावित भएको छ । नेप्से सूचक ६९.५१ अंकले घटेको हो । यस घटाईपछि सूचक २५८७.४५ विन्दुमा अडिएको छ । खरिदबिक्री रकम २ अर्ब ९६ करोड रुपैयाँ भन्दा बढी रहेको छ ।

कारोबार सुरु भएसँगै निरन्तर घटेको नेप्से ७२ अंकसम्मले घटेको थियो, तर अन्तिम समयमा केही सम्हालिएर नेप्से ६९ अंकले घट्न पुगेको हो ।  उता ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि १२ दशमलव ४३ अंकले घटेको छ ।आज कारोबारमा आएको व्यापार समूह बाहेक सबै समूहको सूचक घटेर राताम्मे बनेको छ ।

बैंकहरुले ब्याजदर बढाउन अस्वस्थ प्रतिस्पर्धा गरेपछि त्यसको प्रत्यक्ष प्रभाव सेयर बजारमा देखिएको हो । तर सबै बैंकले ब्याज बढाएका छैनन् । कतिपयले अघिल्लो महिनाभन्दा ब्याजदर सस्तो पनि बनाएका छन् । तर यही ब्याजदरको बाहनामा बजारमा ठूलै गिरावट आइसकेको छ ।