बागमती प्रदेश सरकारले बढाएको यात्रुबाहक सवारी साधनको भाडा आजदेखि लागू

काठमाडौं । वाग्मती प्रदेश सरकारले बढाएको प्रदेश भित्रका सार्वजनिक सवारी साधनको भाडा आजदेखि लागु भएको छ ।

गत असोज २० गतेको (मन्त्रीस्तर) निणर्यले समायोजन गरेको भाडादर आजदेखि लागू भएको हो ।मन्त्रालयले तोकेको भाडादर पाँच किलोमिटरमा यात्रा गर्ने यात्रुले १८ रुपैयाँ तिर्नुपर्नेछ । काठमाडौं उपत्यकामा पनि गाडी चढ्न बित्तिकै १८ रुपैयाँ तिर्नुपर्नेछ ।

उक्त भाडामा यात्रुले १५ केजीसम्म निःशुल्क सामान लैजान पाउने र सोभन्दा बढी १० केजीसम्म प्रति किलोग्राम ५ रुपैयाँका दरले भुक्तानी गर्नुपर्ने प्रदेशस्थित भौतिक पूर्वाधार विकास मन्त्रालयले जनाएको छ ।

·   १० किलोमिटरसम्म २३ रुपैयाँ

·   १५ किलोमिटरसम्म २७ रुपैयाँ

·   २० किलोमिटरसम्म ३० रुपैयाँ

·   २० किलोमिटरमाथि ३५ रुपैयाँ