आजकाे मौसम : देशैभर वर्षा हुने‚ट्रेकिङमा नजान मौसमविद्को आग्रह

काठमाडौं । देशभर आजको मौसममा पनि सामान्यदेखि पूर्ण बदली रहने जल तथा मौसम पूर्वानुमान महाशाखाले जनाएको छ । 

बंगालको खाडी र मध्य भारतमा रहेको न्यून चापीय प्रणाली र पश्चिमी वायु प्रणालीको संयुक्त प्रभाव रहेका कारण भइरहेको वर्षा रोकिन समय लाग्ने भएको हो । 

 मंगलबार प्रदेश १ र सुदूरपश्चिम प्रदेशका केही स्थान तथा प्रदेश २, लुम्विनी र कर्णाली प्रदेशका थोरै स्थानर तथा बागमती प्रदेशका एक दुई स्थानमा भीषण वर्षा हुने महाशाखाले जनाएको छ । 

वर्षासँगै उच्च पहाडी भू–भाग र हिमाली भू–भागमा हिमपातको सम्भावना रहेको छ । भारी हिमपातको सम्भावना नरहे पनि हल्का हिमपातको सम्भावना छ । हिमपातको सम्भावना रहेकाले तत्काल ट्रेकिङ नगर्न मौसमविद्को सुझाव छ ।

अहिले बिहान देशका अधिकांश भू–भागमा सामान्य बदली रही देशभर धेरै स्थानहरूमा हल्कादेखि मध्यम वर्षा भइरहेकाे छ ।