नेकपा (माओवादी केन्द्र)मा आयोगको गठन:अनुशासन आयोगको अध्यक्ष टंक राई,लेखा आयोग संयोजकमा खतिवडा

काठमाडौं । नेकपा माओवादी केन्द्रले नेकपा एमालेकै शैलीमा केन्द्रीय संरचनाहरु गठन गरेको छ।

आज बसेको स्थायी कमिटीको बैठकले १४९ जनाको सल्लाहकार समिति बनाएको छ । त्यस्तै, ९९ सदस्यीय ज्येष्ठ कम्युनिस्ट मञ्च गठन गरिएको प्रवक्ता कृष्णबहादुर महराले जानकारी दिए ।

सल्लाहकार समितिको सभापति भने अर्को बैठकले चयन गर्ने स्थायी कमिटी सदस्य पेशल खतिवडाले जानकारी दिए । सोही बैठकले खतिवडाको अध्यक्षतामा २५ सदस्यीय केन्द्रीय लेखा समिति गठन गरेको छ ।

बैठकले अनुशासन आयोगको अध्यक्ष टंक राईलाई बनाएको छ । उक्त कमिटी पनि २५ सदस्यीय छ ।