महाकालीमा फसेका पाँच जनाको उद्धारका लागि हेलिकप्टर मगाइयो, सेती नदीमा ५९ जना फसे

कैलाली । महाकाली नदीको टापुमा फसेकाहरुलाई हेलिकप्टरबाट उद्धार गरिँदै छ  । 

जिल्ला प्रहरी कार्यालयका अनुसार भीमदत्त नगरपालिका–९ खल्लामुसेट्टीमा कुखुराको फार्म सञ्चालन गर्दै आएका पाँच जना महाकाली नदी र स्थानीय खहरे खोलाको बीच टापुमा फसेका छन् ।

उनीहरुको उद्धारकाे लागि हेलिकप्टर मगाइएको आन्तरिक मामिला तथा कानुनमन्त्री पुर्णा जोशीले बताइन् ।‘हामी महाकाली क्षेत्रमै छौं’ जोशीले भनिन्, ‘ यहाँ अलपत्र रहेकाहरुलाई  उद्धार गर्न हेलिकप्टर आउदै छ । एकै परिवारका  उनीहरु अहिले रूखमा चढेर ज्यान जोगाइरहेका छन् ।’ 

महाकाली नदी र खहरे खोलामा बाढी आउँदा मुसेट्टीका ४५ वर्षीया दीर्घमती खड्का, ३५ वर्षीय पुष्कर नायक, ३२ वर्षीया शान्ति नायक, ९ वर्षीय अशोक नायक र पाँच वर्षीय अजय नायक टापुमा फसेका छन् । 

सेती नदी तटीय क्षेत्र ढुंगाड पुरै जलमग्न भई८० ९० भन्दा पनि बढी मानिसको ज्यान जोखिमपूर्ण अवस्थामा रहेको छ ।