सरकार र रूबी खानबीच बाँके घटनाको छानबिन समिति बनाउनेलगायत सहमति ,पीडित परिवारले तोडे अनशन

काठमाडौं । सरकार र रूबी खानबीच बाँके घटनाको छानबिन समिति बनाउनेलगायत सहमति भएको छ।

सरकार र अनशनरत पक्षबीच सहमति भएसँगै मंगलबारबाट अनशन स्थगित भएको छ । गृह मन्त्रालयका सहसचिव हिरालाल रेग्मीको नेतृत्वमा ६ सदस्यीय समिति बनाउने सहमतिसँगै रुबीले १३ दिन लामो अनसन तोडेकी हुन् ।

सोमबार र मंगलबार भएको वार्तापछि गृह मन्त्रालयका सहसचिवको नेतृत्वमा तीन सदस्यीय छानबिन समिति गठन गरी अनुसन्धान गर्ने सहमति भएको हो ।बाँकेमा घरेलु हिंसाबाट मारिएकी नकुन्नी धोबी र निर्मला कुर्मीको न्यायका लागि भन्दै रूबी खानसहित स्थानीयहरु १२ दिनदेखि धर्ना बसेका थिए ।

अनसन तोडेकी रुबीले सरकारसँग भएको सहमति सम्पूर्ण महिलाहरुको जित भएको बताइन् । रुबीले अघि भनिन्, समितिले सत्यतथ्य बाहिर ल्याउन कुनै चुक गर्छ भने हामी यो भन्दा कडा आन्दोलन गर्ने चेतावनी दिन चाहन्छु ।’