अविरल वर्षाका कारण विराटनगर विमानस्थल जलमग्न

विराटनगर । अविरल वर्षाका कारण विराटनगर विमानस्थल जलमग्न भएको छ ।

 बुधबार बिहान विमानस्थलमा बाढी पसेको हो ।विमानस्थलको पश्चिम भएर बग्ने केसलीया खोलामा आएको बाढी विमानस्थलभित्र पसेको छ ।

बाढीका कारण उडान प्रभावित भएको छ । बाढीको पानी निरन्तर पसे हवाई उडान प्रभावित हुने विमानस्थल प्रमुख उत्सव खरेलले बताए ।वि.सं. २०७४ सालमा आएको बाढी पस्दा विमानस्थल एक साताभन्दा बढी समय बन्द भएको थियो । नेपाली सेनाले हिलो पन्छाएपछि सेवा सुरु भएको थियो ।