ओलीले भने–चुनावपछि च्याखे थाप्नेहरु सकिन्छन्

काठमाडौं । एमाले अध्यक्ष केपी ओलीले आगामी निर्वाचनपछि च्याखे थाप्ने पार्टीहरु सकिने बताएका छन् ।

बुधबार वाग्मती प्रदेश अधिवेशन आयोजक कमिटीको बैठकमा उनले त्यस्तो बताएका हुन् ।नेकपा माओवादी केन्द्रप्रति लक्षित गर्दै उनले भने, ‘हाम्रो वैचारिक र चुनावी प्रतिस्पर्धा कांग्रेससँग हुन्छ । च्याखे थाप्ने पार्टीलाई चुनावबाट फाल्दिनुपर्छ ।’

उनले आफूहरूको वैचारिक र सांगठनिक लडाइँ नेपाली कांग्रेससँग भएको पनि बताए ।वर्तमान सरकार देशभित्र या बाहिरबाट कसले चलायो भनेर भन्न नसकिने अवस्थामा रहेको उनको भनाइ छ।