तीन बालिकामाथि सामूहिक बलात्कार: ३ जना पक्राउ,६ जना फरार

काठमाडौँ । सिन्धुलीमा ९ जनाको समूहले तीन बालिकामाथि सामूहिक बलात्कार गरेको छ ।

घटना कमलामाई नगरपालिका–५ बोझेकाे हाे। एकै घरका दिदीबहिनी र उनीहरुको आफन्त पर्नेमाथि राति भेट्न बोलाएर बलात्कार गरेको प्रहरीले जनाएको छ ।

निरीक्षक रामभक्त भट्टराईका अनुसार घटना गत शनिबार रातिको हो । प्रहरी निरीक्षक रामभक्त भट्टराईले भने, ‘शनिबार राति ९ जना युवाहरुले बालिकालाई बोलाएर घरनजिकै बोझे खोला बगरमा लगी सामूहिक बलात्कार गरेको पुष्टि भएको छ,’ । बलात्कृत हुने बालिका १५, १६ र १७ वर्षका हुन् ।

प्रहरीले ९ जनामध्ये ३ जनालाइ पक्राउ गरेको छ भने ६ जना फरार रहेका छन् ।