बाढीपहिरो र डुबानमा परेर मुलुकका विभिन्न जिल्लामा ३७ जनाको मृत्यु

काठमाडौँ । केही दिनदेखिको अविरल वर्षापछि आएको बाढीपहिरो र डुबानमा परेर मुलुकका विभिन्न जिल्लामा ३७ जनाको मृत्यु भएको छ । 

मंगलबार रातिदेखि बुधबार बिहान १० बजेसम्म गृह मन्त्रालयमा भएको रिपोर्टिङ अनुसार ३७जनाको मृत्यु भएको हो ।

 विपदमा परेर २२ जना घाइते भएका मन्त्रालयको विपद् व्यवस्थापन महाशाखाले जनाएकाे छ।सम्पर्कविहीन व्यक्तिको सङ्ख्या धेरै रहेकाले मृत्यु अझै बढ्ने देखिएको छ ।