बाढी पहिरोबाट भएको क्षतिको अध्ययन गरेर थप राहतको व्यवस्था गर्ने प्रधानमन्त्रीकाे आश्वासन

सुर्खेत । प्रधानमन्त्री शेरबहादुर देउवाले बाढी पहिरोबाट भएको क्षतिको अध्ययन गरेर थप राहतको व्यवस्था गर्ने आश्वासन दिएको दिएका छन् ।

बाढीपहिराले पुर्‍याएको क्षतिको अवस्थाबारे जानकारी लिन कर्णाली र सुदूरपश्चिम प्रदेशको स्थलगत निरीक्षण गएका प्रधानमन्त्री देउवाले सुर्खेत विमानस्थलमा सञ्चारकर्मीसँग संक्षिप्त कुरा गर्दै प्रधानमन्त्री देउवाले नागरिकलाई आवश्यक राहत उपलब्ध गराउन सरकारले निर्णय गरिसकेको भन्दै समयमै राहत उपलब्ध गराउने बताए ।

जलवायु परिवर्तनका असरले गर्दा यस्ता बेमोसमी वर्षा गराएको भन्दै उनले यसबारेमा अन्तर्राष्ट्रिय जगतमा कुरा राख्ने बताए। ‘जलबायु परिवर्तनले नेपाललाई पनि ठूलो असर गरेको छ उनले भने, ‘यस विषयमा पनि अन्तर्राष्ट्रिय जगतमा कुरा राख्छु।’बेमौसमको वर्षाले नेपालमा अपूरणीय क्षति गराएको प्रधानमन्त्री देउवाले बताए ।