प्रदेश १ मा मुख्यमन्त्रीले विश्वासको मत लिने प्रस्ताव टेबुल हुँदै,मत विभाजनको टुङ्गो छैन

काठमाडौं । प्रदेश १ को प्रदेशसभा बैठक शुक्रबार बस्दैछ । शुक्रबारको बैठकमा मुख्यमन्त्री भीमप्रसाद आचार्यले विश्वासको मत लिने प्रस्ताव टेबुल गर्नेछन् ।

तर, मत विभाजनको विषयमा भने सरकारले अलमल देखाएको छ ।गत भदौ १० गते मुख्यमन्त्री नियुक्त भएका आचार्यले विश्वासको मत लिने सम्बन्धी प्रस्ताव असोज २५ गते सचिवालयमा दर्ता गराएका थिए ।

प्रदेशसभामा विपक्षी गठबन्धनको पक्षमा ५० जना सांसद देखिएका छन् । मुख्यमन्त्री आचार्यले विश्वासको मत पाउने अवस्था नभएका कारण विपक्षी गठबन्धनमा आबद्ध दलहरूले गठबन्धनको सरकार गठनका लागि छलफल समेत सुरू गरिसकेका छन् । 

शुक्रबार बिहान साढे १० बजे प्रदेशसभामा कार्यव्यवस्था परामर्श समितिको बैठक बस्ने र त्यसले नै कार्यसूची तय गर्ने सचिवालयले जनाएको छ ।