कमर्सीयल बैंकहरुको कर्जा लगानी ३ महिनामा नै २ खर्ब ७८ अर्ब रुपैयाँ भन्दा धेरै

 काठमाडौं । कमर्सीयल बैंकहरुको कर्जा लगानी ३ महिनामा नै २ खर्ब ७८ अर्ब रुपैयाँ भन्दा धेरैले बढेको छ ।

 ८ बैंकको निक्षेप घटेको छ । नेपाल बैंकर्स एसोसिएसनको तथ्यांकअनुसार स्वदेशी र विदेशी मुद्राको संयूक्त निक्षेप १९ बैंकमा बढेको छ ।

गत असार मसान्तसम्म बैंकहरुको कर्जा लगानी ३७ खर्ब २० अर्ब ६ करोड रुपैयाँ रहेको थियो । असोज मसान्त्सम्म आइपुग्दा बैंकहरुको कर्जा लगानी बढेर ३९ खर्ब ९८ अर्ब २२ करोड रुपैयाँ पुगेकोछ ।

यो अवधिमा सबैभन्दा धेरै कर्जा लगानी ग्लोबल आइएमई बैंकले बढाएको छ भने सबैभन्दा कम लगानी विस्तार सिभिल बैंक र नेपाल बंगलादेश बैंकले गरेका छन् ।

 सानिमा, एनसिसी, एनआइसी एसिया, नेपाल, कुमारी र एनएमबि बैंकले पनि उल्लेख्य निक्षेप बढाएका छन् । सो अवधिमा कतिपय बैंकमा भएको निक्षेप पनि घटेको छ । राष्ट्रिय वाणिज्य बैंकको सबैभन्दा धेरै २४ अर्बले निक्षेप घटेको छ । कृषि विकास, नेपाल बंगलादेश बैंकबाट पनि ठूलै निक्षेप घटेको छ ।

 राष्ट्र बैंकले बढेको ब्याजदर फिर्ता गराउँदै एक पटकमा ब्याजदर १० प्रतिशत भन्दा बढी घटबढ हुननसक्ने व्यवस्था गरिदिएको छ । अहिले भने बैंकहरुले आक्रामक भएर लगानी गर्न छाडेका छन् ।