टी-ट्वेन्टी विश्वकपमा आज आमनसामने हुँदैछन् भारत र पाकिस्तान,कसले जित्ला?

काठमाडौं । कप्तान विराट कोहलीले आईसीसी टी–ट्वान्टी विश्वकपको यो संस्कणदेखि टी–ट्वान्टी अन्तर्राष्ट्रियमा कप्तानी नगर्ने घोषणा गरेसँगै उनको कप्तानीमा भारतले अन्तिम विश्वकप खेल्दै छ ।

आयोजक समेत रहेको भारतले सुपर १२ मा पहिलो खेलमै पाकिस्तानसँग खेल्दै विश्वकप सुरुआत गर्दैछ । टसचाहिँ आधा घण्टाअघि अर्थात् ७ बजे नै हुने छ । 

यी दुई टिम टी-ट्वेन्टी विश्वकपमा पाँचपल्ट आमनेसामने भइसकेका छन् । यी सबै प्रतिस्पर्धामा भारतले जित निकालेको छ । टी-२० ओभरअलमा दुवै टोली आठ पटक भिडेका छन् । यीमध्ये टिम इन्डियाले सात र पाकिस्तानले एकमा जित हात पारेका छन् ।

भारत र पाकिस्तान क्रिकेट मैदानमा उत्रँदा यसले धेरै अर्थ राख्छ । भारत र पाकिस्तानबीच लामो समयदेखि राजनैतिक तनाव रहँदै आएको छ । खेल क्षेत्रमा पनि यसको असर प्रष्ट देखिन्छ ।