फुलकोर्ट बहिष्कार गर्ने निर्णय गरेका न्यायाधीशहरू छफलफलमा,इजलास प्रभावित

 काठमाडौं ।  प्रधानन्यायाधीश चोलेन्द्र शम्शेर जबराले फुलकोर्टको बैठक बहिष्कार गर्ने निर्णय गरेका मध्ये १३ जना न्यायाधीशलाई सोमबार इजलास तोकेका छन् । तर न्यायाधीशहरू इजलासमा नगई अब प्रधान्यायाधीश जबराको सन्दर्भमा के गर्ने भन्ने धारणा बनाउन छलफलमा जुटेका छन् ।

मन्त्रिपरिषदमा भाग खोज्नेलगायत विषयमा विवादित प्रधानन्यायाधीश राणाले राजीनामा दिनुपर्ने वा उनलाई महाअभियोग लगाउनुपर्नेबारे न्याय क्षेत्रमा आवाज उठ्न थालेपछि सर्वोच्च अदालतका न्यायाधीशले आफूहरू मौन बस्न नहुने र एउटा निर्णय लिनुपर्ने निष्कर्ष निकाल्दै निरन्तर छलफलमा छन्।

प्रधानन्यायाधीश जबराले मन्त्रिपरिषदमा भागबण्डा खोजेको विषय उठेपछि उनी दबाबमा परेका छन् ।

इजलास तोकिएका न्यायाधीशहरूमा दीपककुमार कार्की, मीरा खड्का, हरिकृष्ण कार्की, विश्वम्भरप्रसाद श्रेष्ठ, आनन्दमोहन भट्टराई, प्रकाशमान सिंह राउत, बमकुमार श्रेष्ठ, टंकबहादुर मोक्तान, प्रकाशकुमार ढुंगाना, सुष्मालता माथेमा, कुमार रेग्मी, हरिप्रसाद फुयाल र मनोजकुमार शर्मा छन् ।

शुक्रबारदेखि सुरू भएको छलफललाई उनीहरूले आज पनि निरन्तरता दिएका छन्।