२०७९ मंसिर १६
December 2, 2022, Friday

प्रधान न्यायाधीश चोलेन्द्र शमशेर राणासँग १३ जना न्यायाधीशले आज भेट्दै,राजीनामा दिन दबाब दिने

प्रधान न्यायाधीश चोलेन्द्र शमशेर राणासँग १३ जना न्यायाधीशले आज भेट्दै,राजीनामा दिन दबाब दिने

काठमाडौं ।  प्रधान न्यायाधीश चोलेन्द्र शमशेर राणासँग १३ जना न्यायाधीशले आज भेट्दै औपचारिक रूपमै राजीनामा दिन दबाब दिने भएका छन् ।

उनीहरूले केहीबेरमा प्रधानन्यायाधीश जबरालाई उनकै कार्यकक्षमा भेट्दैछन् । भेटघाटका लागि अहिले बिहान साढे ११ बजेको समय तय भएको छ ।

त्यसमा काठमाडौंबाहिर रहेका दुई न्यायाधीश अनिलकुमार सिन्हा र सपना मल्ल प्रधानले पनि आफूहरूको सहमति भएको इमेल पठाएका छन् । वरिष्ठ न्यायाधीश दीपककुमार कार्कीको नेतृत्वमा प्रधानन्यायाधीश राणालाई भेट्ने र त्यहाँ अर्का न्यायाधीश डा. आनन्दमोहन भट्टरार्ईले राजीनामाको प्रस्ताव राख्ने भएका छन् ।

 प्रधानन्यायाधीश जबरा न्यायिक विचलन, भागबन्डा, सौदाबाजी र भ्रष्टाचारमा संलग्न भएको भन्दै सार्वजनिक रूपमा मागिएको उनको राजीनामाप्रति सर्वोच्चकै न्यायाधीशहरूसमेत ‘कन्भिन्स’ भएको देखिन्छ ।

 न्यायपालिका लामो समयदेखि अनपेक्षित विवादबाट गुज्रनु अनपेक्षित थियो । तलका अदालतमा समेत देखिएका नियुक्तिलगायतका असन्तुष्टिहरू र सर्वोच्च अदालतमा न्यायसम्पादनसमेतमा देखिएका समस्याहरू आन्तरिक रूपमा नेतृत्वको पहलमा निकास निकाली समाधान गर्न सकारात्मक पहल हुनु आवश्यक थियो । 

गत भदौ १६ गतेदेखि नै सर्वोच्च अदालतमा गोलाप्रथा लागू गर्ने घोषणा गरेका जबराले उच्च अदालतका मुख्य न्यायाधीशहरूको बैठकमा भने गोलाप्रथाको चर्को आलोचना गरेका थिए । 

प्रधानन्यायाधीश जबराका गलत कदमका कारणले न्यायालयको स्वतन्त्रतामा सम्झौता भएकाले उनको राजीनामा आउनुपर्ने माग भइरहेका बेला जबराले विषयान्तर गर्ने प्रयास गरेको भन्दै आइतबार सर्वोच्च अदालतमा उपस्थित सबै १४ जना न्यायाधीशले त्यस्तो बैठक बहिष्कार गर्ने निर्णय गरे ।

Related News

शुक्रबारसम्म राष्ट्रिय पार्टीको मान्यता पाउने दल सात : निर्वाचन आयोग
शुक्रबारसम्म राष्ट्रिय पार्टीको मान्यता पाउने दल सात : निर्वाचन आयोग
  • २०७८ कार्तिक ९, मंगलवार १०:४३ गते

काठमाडौ, निर्वाचन आयोगले हालसम्म सात वटा राजनीतिक दलहरुले राष्ट्रिय पार्टीको मान्यता पाएको जनाएको छ। निर्वाचन आयोगका समानुपातिकतर्फका प्रवक्ता गुरुप्रसाद वाग्लेले...

सरकार गठनका लागि कांग्रेससहितका दलसँग छलफलमा छौं : एमाले उपाध्यक्ष नेम्बाङ
सरकार गठनका लागि कांग्रेससहितका दलसँग छलफलमा छौं : एमाले उपाध्यक्ष नेम्बाङ
  • २०७८ कार्तिक ९, मंगलवार १०:४३ गते

काठमाडौं– नेकपा एमाले उपाध्यक्ष सुवास नेम्बाङले निर्वाचनबाट प्राप्त अभिमतअनुसार सरकार गठनका विषयमा सबै राजनीतिक दलसँग वार्ता र संवादका आधारमा अघि...

दोलखाका दुवै प्रदेश सभामा गठबन्धन अगाडि
दोलखाका दुवै प्रदेश सभामा गठबन्धन अगाडि
  • २०७८ कार्तिक ९, मंगलवार १०:४३ गते

दोलखा, दोलखाका दुवै प्रदेश सभा क्षेत्रमा सत्ता गठबन्धनमा उम्मेदवारले अग्रता कायम राखेका छन् । प्रतिनिधिसभामा पनि गठबन्धनका उम्मेदवारको अग्रता छ...

TOP