मुख्यमन्त्री शाक्यले राजीनामा दिने

काठमाडौं।  बागमती प्रदेशकी मुख्यमन्त्री अष्टलक्ष्मी शाक्यले राजीनामा दिने तयारी गरेकी छिन् । 

अहिले नेकपा (एमाले)को वाग्मती संसदीय दलको बैठक जारी छ । सामाजिक विकास राज्यमन्त्री जुनेली श्रेष्ठले मुख्यमन्त्री शाक्यको राजीनामा पत्र तयार भएको जानकारी दिइन् । उनका अनुसार मुख्यमन्त्री शाक्यले प्रदेशसभा बैठकलाई सम्बोधन गरेर राजीनामा दिनेछिन् ।

मुख्यमन्त्री शाक्यले विश्वास मत लिनका लागि आज दिउँसो १ बजेका लागि बोलाइएको प्रदेशसभा बैठक अझै सुरु हुनसकेको छैन ।