परमादेश जारी गर्ने सबै न्यायाधीशले राजीमाना गर्नुपर्छ भन्ने ओलीको अधिव्यक्तिप्रति माधव नेपालकाे कटाक्ष

धनगढी । नेकपा एकीकृत समाजवादीका अध्यक्ष माधवकुमार नेपालले परमादेश जारी गर्ने सबै न्यायाधीशले राजीमाना गर्नुपर्छ भन्ने एमाले अध्यक्ष केपी शर्मा ओलीको अधिव्यक्तिप्रति कटाक्ष गरेका छन् ।

बिहीबार धनगढीमा आयोजित पत्रकार सम्मेलनमा उनले उनले ऐतिहासिक फैसला गर्ने न्यायाधीशहरूलाई हटाउनुपर्छ भन्ने कुरा नाजायज र अनुचित भएको बताएका हुन् । ओलीले रिस साँध्नका लागि त्यस्तो अभिव्यक्ति दिएको उनको भनाइ छ ।

‘यो सबै कुरा केपी ओलीले विगारेको हो । उहाँले स्वतन्त्र न्यायपालिकालाई अनावश्यक लान्छाना लगाउने काम गर्दै आउनुभएको छ, त्यो उहाँको अत्यत्नै अनुचित, हस्तक्षेपकारी र देशको सबै प्रणलीलाई भत्काउने प्रबृतिको उपज हो,’ अध्यक्ष नेपालले भने, उहाँले आफ्नो पक्षमा नभएका कसैलाई पनि सहन सक्नुहुन्न । उहाँको यो असहिष्णु स्वभाव, अलोकतान्त्रिक र जवजविरोधी स्वभाव र चरित्र नै यो मुलुकका लागि ठूलो समस्या भएको छ ।’