२०७९ मंसिर १६
December 2, 2022, Friday

समाचार संकलन गर्दा पत्रकार केसीमाथी खुकुरी प्रहार

समाचार संकलन गर्दा पत्रकार केसीमाथी खुकुरी प्रहार

काठमाडौं । समाचार संकलन गरिरहेका बेला पत्रकार कुशलव केसी माथी भक्तपुरको बालकोटमा खुकुरी प्रहार भएको छ ।

आर्थिक कारोवारको विषयमा सार्वजनिक स्थलमा दुई पक्षका बीचमा झगडा भएपछि समाचार संकलन गर्न गएका पत्रकार केसीमाथी विहिवार खुकुरी प्रहार भएको हो ।

झगडामा संलग्न एउटा पक्षका एक पुरुषले पत्रकार केसीको दाहिने पाखुरामा खुकुरी प्रहार गरेर घाइते बनाएको प्रत्यक्षदर्शीले जानकारी दिएका छन् । उहाँसँगै अन्य दुई जनालाई पनि ती व्यक्तिले खुकुरी प्रहार गरेर घाइते बनाएको र सवै जनाको भक्तपुरस्थीत नागरिक अस्पतालमा उपचार गरिएको छ । आफ्नो ठगी धन्दा पर्दाफास हुने भएपछि बदमासी लुकाउन ठगीमा संलग्न भएको आरोप लागेका व्यक्तिको तर्फबाट खुकुरी प्रहार भएको पत्रकार केसीले बताउनुभयो ।

घटनास्थलमा पुगेको प्रहरी टोलीले घाइते भएको देखेको र स्थानीय तथा प्रत्यक्षदर्शीहरुले खुकुरी प्रहार भएको बताएपनि कारबाही र अनुसन्धानको प्रक्रिया सुरु गरेको छैन । फौजदारी अपराधमा पनि प्रहरीले उजुरी मागेर आलटाल गरिरहेको घाइतेहरुले बताएका छन् । विहिवार बेलुका जाहेरी दर्ता गर्न खोज्दा ठिमीस्थीत प्रहरी कार्यालयले कार्यालय समयमा आउनु पर्ने जवाफ दिएको पत्रकार केसीले बताउनुभयो । दोषीलाई तत्काल पक्राउ गरी कारबाही गर्न शुक्रबार जाहेरी दर्ता गर्ने तयारी भइरहेको उहाँले जानकारी दिनुभयो ।

अनलाइन टीभी पत्रकार संघका उपाध्यक्ष समेत रहेका केसीमाथी खुकुरी प्रहार भएकोप्रति संघले कडा आपत्ति प्रकट गरेको छ । संघका महासचिव पवन फुयालद्धारा जारी विज्ञप्तीमा दोषीलाई तत्काल पक्राउ गरी कारबाही गर्न माग गर्दै आगामी दिनमा यस्ता घटना नदोहोरिने सुनिश्चितता गर्न आग्रह गरिएको छ ।

हेर्नुहाेस भिडियाे:

Related News

शुक्रबारसम्म राष्ट्रिय पार्टीको मान्यता पाउने दल सात : निर्वाचन आयोग
शुक्रबारसम्म राष्ट्रिय पार्टीको मान्यता पाउने दल सात : निर्वाचन आयोग
  • २०७८ कार्तिक १२, शुक्रबार ०९:२९ गते

काठमाडौ, निर्वाचन आयोगले हालसम्म सात वटा राजनीतिक दलहरुले राष्ट्रिय पार्टीको मान्यता पाएको जनाएको छ। निर्वाचन आयोगका समानुपातिकतर्फका प्रवक्ता गुरुप्रसाद वाग्लेले...

मतदान अधिकृतले जे मुचुल्का बनाएका छन, सोही अनुसार नयाँ मुचुल्का बनाएर बाजुरामा मतगणना पुनः सुरू
मतदान अधिकृतले जे मुचुल्का बनाएका छन, सोही अनुसार नयाँ मुचुल्का बनाएर बाजुरामा मतगणना पुनः सुरू
  • २०७८ कार्तिक १२, शुक्रबार ०९:२९ गते

बाजुरा, बाजुरामा मतगणना पुनः सुरू भएको छ। मुख्य निर्वाचन अधिकृत ढाकाराम पौडेलका अनुसार रोकिएको प्रतिनिधि र प्रदेशसभा दुवैतर्फको मत गणना...

धनगढीमा विद्यार्थी आन्दोलनले उग्र रुप लियो, डेढ दर्जन सेल अश्रुग्याँस प्रहार
धनगढीमा विद्यार्थी आन्दोलनले उग्र रुप लियो, डेढ दर्जन सेल अश्रुग्याँस प्रहार
  • २०७८ कार्तिक १२, शुक्रबार ०९:२९ गते

धनगढी, जिल्ला प्रशासन कार्यालय कैलालीले जारी गरेको निषेधाज्ञा तोडेर विद्यार्थी प्रदर्शनमा उत्रिएपछि प्रहरीले स्थिति नियन्त्रणमा लिन डेढ दर्जन सेल अश्रुग्याँस...

TOP