चोलेन्द्रलाई शम्भु थापाको चुनौती: बारले राजीनामा माग्दा नदिने तपाईं को हो ?

काठमाडौं । नेपाल बार एसोसिएसनका पूर्वअध्यक्ष तथा वरिष्ठ अधिवक्ता शम्भु थापाले नेपाल बारले राजीनामा मागिसकेपछि प्रधानन्यायाधीले तुरुन्त राजीनामा दिनुपर्ने बताएका छन् ।

नेपाल बार एसोसिएसनले राणाको राजीनामा माग गर्दै सर्वोच्च अदालतमा आजदेखि सुरु गरेको धर्ना कार्यक्रममा थापाले राणाको मूल्यांकनका लागि पूर्वप्रधानन्यायाधीशको इजलास गठन गर्न प्रस्ताव गरेका हुन् ।

‘यदि तपाईँ (प्रधानन्यायाधीश) आफ्नो काम कारबाहीको मूल्यांकन गर्न सक्नुहुन्न भने पूर्वप्रधानन्यायाधीशको एउटा इजलास गठन गरौँ । तपाईँ एकातिर हामी एकतिर उभिन्छौँ । अनि थाहा भैहाल्छ’, थापाले भने । 

न्यायालय पशुपतिनाथजस्तै पवित्र संस्था भएको र त्यहाँभित्रको मूल भट्ट प्रधानन्यायाधीश भएको उनको भनाइ छ । “मूल भट्टले पूजा गर्नुपर्ने जुन विधि–प्रक्रिया हो, त्यसैअनुरूप पशुपतिनाथको पूजा–अर्चना गरिन्छ, त्यसरी नै तपाईंले न्यायालयको पूजा गर्नुभएको छैन । त्यसकारण तपाईंले पदबाट राजीनामा दिनुपर्छ भनेका छौँ,” उनले भने, “हामीले प्रधानन्यायाधीशको व्यक्तिगत कुरा गरिरहेका छैनौँ, सार्वजनिक व्यक्तिवमाथि कुरा गरिरहेका छैनौँ, हामीले न्यायालयलाई पूजा गरिरहेका छौँ । तपाईं एक वर्ष कार्यकालभरि बसिरहे नेपाल बारले कार्यक्रम गरिरहन्छ ।”