अदालतमा आगाे लागिसक्याे, निभाउँदैन भन्ने ?:अधिवक्ता सतिशकृष्ण खरेल

काठमाडौं ।  वरिष्ठ  अधिवक्ता सतिशकृष्ण खरेलले न्यायालय विवादमा दलहरूले देखाएकाे माैनताप्रत कडा आक्राेश पाेखेकाे छन् ।

सर्वोच्च अदालतमा आगो लागेका बेला चुप बसेका नेताहरुले यसको मूल्य चुकाउनुपर्ने पनि उनले बताए । ‘अहिले राजनीतिक दलहरुले न्यायपालिकामा भएको विवादमा हस्तक्षेप नगर्ने भनेका छन् । सर्वोच्च अदालतमा आगो लागेको बेला निभाउन नआउने नेताहरुले यसको मूल्य चुकाउनुपर्नेछ । न्यायपालिकामा हस्तक्षेप नगर्ने भनेको न्यायाधीश नियुक्तिका बेला, फैसलामा हस्तक्षेप नगरेर हो,’ उनले भने ।

राजनीतिक दलकाे याे मौनताको मूल्य नीकै महँगो पर्ने चेतावनी दिँदै उनले आफूहरूकाे आन्दाेलन व्यक्तिविरुद्ध नभएकाे बताए ।