दसैँपछि तिहार बिदाअगाडिको समय सेयर लगानीकर्ताका लागि सकारात्मक

काठमाडौं । दसैँपछि तिहार बिदाअगाडिको समय सेयर लगानीकर्ताका लागि सकारात्मक भएको छ । तिहारअगाडिको अन्तिम कारोबार दिन बुधबार सेयर बजार परिसूचक नेप्से ५.२२ अंकले बढेर २८४८.८४ अंकमा बन्द भएको छ ।

६ अर्ब ५५ करोड रुपैयाँभन्दा बढीको सेयर कारोबार भएको छ ।

समूहगत परिसुचक तर्फ बैंकिङ, विकास बैंक , जलविद्युत, वित्तीय, उत्पादन तथा प्रशोधन , अन्य , माइक्रोफाइनान्स र सामूहिक लगानीकोष समूहको सुचाङ्क बढेको छ भने व्यपार , होटल तथा पर्यटन, जीवन बीमा, नीर्जीवन बीमा र लगानी समूहको सुचाङ्क घटेको छ ।

उत्पादन तथा प्रशोधन समूहको सुचाङ्क सबैभन्दा धेरै २३.२ अंकले बढेको छ भने नीर्जीवन बीमा समुहको सबैभन्दा धेरै ११३.४४ अंकले घटेको छ । महालक्ष्मी विकास बैंक, साहास उर्जा र आईसीएफसी फाइनान्स कम्पनीको सेयर कारोबारमा सकारात्मक सर्किटब्रेक लागेको छ ।

बुधबार धेरै शेयर मूल्य बढ्ने पहिलो नम्बरमा महालक्ष्मी विकास बैंक देखिएको छ । महालक्ष्मी विकास बैंकको शेयर मूल्य १० प्रतिशतले बढेर ८०३ रुपैयाँ पुगेको छ ।