गृहमन्त्री भन्छन् – न्यायालयको विवाद सुल्झाउने तयारीमा सरकार जुटेको छ

काठमाडौं । गृहमन्त्री बालकृष्ण खाँणले न्यायपालिकामा देखिएको विवाद गम्भीर रहेको बताएका छन् ।

 न्यायालयमा देखिएको विवाद सुल्झाउने तयारीमा सरकार जुटेको गृहमन्त्री बालकृष्ण खाँडले बताएका छन् ।  उनले कार्यपालिका, न्यायपालिका र व्यवस्थापिका स्वतन्त्र ढंगले नै चल्नुपर्ने बताउँदै अदालतको विवाद विवाद छिटो समाधान होस् भन्ने आफूहरूले चाहेको बताए ।

“न्यायापालिकामा विवाद देखिएको छ । त्यहाँको विवाद छिटै सुल्झियोस् भन्ने नै सरकारको चाहना छ,” उनले भने, “न्यायालयको विवाद संवेदनशील र गम्भिर छ । यसले धेरै कुरालाई प्रभावित बनाएको छ । छिट्टै सुल्झाउने तयारीमा सरकार लागेको छ ।”

नागरिकता विधेयकलगायत महत्त्वपूर्ण विधेयक छिट्टै पास हुने उनको भनाइ छ । “सदन व्यवस्थित रुपमा नचल्दा ढिलाई भएको छ,” उनले भने, “विपक्षीकै कारण सदन सञ्चालनमा समस्या आएको छ ।”