काठमाडौं । सोमबार सेयर बजार परिसूचक नेप्से १९.२० अंकले घट्दै २८२९.६४ अंकको बिन्दुमा रोकिएको छ । आज २३० कम्पनीको ७२ लाख ७ हजार ३९६ कित्ता सेयर किनबेच भएको नेप्सेमा ४ अर्ब ४२ करोड रुपैयाँ बराबरको कारोबार भयो ।
नेप्सेमा गिरावट हुँदा पनि आज वित्त कम्पनी, लगानी र म्युचुअल फन्ड उपसूचक भने बढेको छ । वित्त कम्पनी उपसूचक ०.७८ प्रतिशत, लगानी उपसूचक ०.६७ प्रतिशत र म्युचुअल फन्ड उपसूचक ०.५१ प्रतिशतले बढेको छ ।
यता, बजारलाई लिड गर्ने बैंकिङ उपसूचकमा १.०५ प्रतिशतको गिरावट हुँदा विकास बैंक उपसूचक सवार्धिक १.२४ प्रतिशत र अन्य उपसूचक १.१६ प्रतिशतले घटेको छ । यस्तै निर्जीवन बिमा उपसूचक पनि १.०५ प्रतिशतले घटेको छ ।
आज नेप्सेमा कुल १८७ कम्पनीको सेयर कारोबारमा आउँदा १४२ कम्पनीको सेयरमूल्य घटेको छ भने ४२ कम्पनीको मूल्य बढेको छ । यस्तै ३ कम्पनीको सेयरमूल्य भने स्थिर रहेको छ ।
चालु आर्थिक वर्षको असोज १५ गतेसम्म सरकारले १ खर्ब ६८ अर्ब ९१ करोड रुपैयाँ राजश्व संकलन गरेको छ । मंगलबार...
सेयर बजार परिसुचक ओरालो लागेको छ । अघिल्लो दिन पाँच दशमलव १९ अंकले उकालो लागेको बजार परिसुचक साताको तेस्रो कारोबार...
सुनको भाउ आज पनि घटेको छ । आज एक हजार तीन सय रुपैयाँले घटेर सुन तोलाको एक लाख ६ हजार ६...