आगलागीबाट विभिन्न धनमाल जलेर नष्ट

काठमाडौं । सिरहा, गोलबजार नगरपालिका-६ बस्ने ज्योती नायकको ज्योती स्टिल फर्निचरको ,गोदाममा करेण्ट सर्ट भई सोमबार दिउँसो आगलागी हुँदा फर्निचरका सामान जलेर करिब १२
लाख रुपैयाँ बराबरको धनमाल नष्ट भएको छ । 

मोरङ, शनिश्चरे नगरपालिका(६ तित्रीझाङ बस्ने शुभल चन्द्रबंशीको घरको पूजाकोठामा बालेको दियोबाट आगो सल्किएर सोमबार बिहान आगलागी हुँदा घर, अन्नपात, फर्निचर, बिभिन्न सामान, कृषि विकास बैंकबाट जग्गा किन्नलाई लिएको नगद ३६ लाख ७७ हजार रुपैयाँ, ८ तोला सुन र २० तोला चाँदी समेत जलेर नष्ट भएको छ ।

कास्की, पोखरा महानगरपालिका(२७ लेखनाथ शिरोमणी गेट नजिक अम्बिका सुबेदीले संचालन गरेको “एस सुबेदी” किराना पसलमा सोमबार राति आगलागी हुँदा किराना पसलभित्र रहेका विभिन्न सामान जलेर करिब ४० लाख रुपैयाँ बराबरको धनमाल नष्ट भएको छ ।