विराटनगर हाटखोलास्थित मोरङ कारागारमा कैदीबन्दीबीच झडप हुँदा छ जना घाइते

काठमाडौं । विराटनगर हाटखोलास्थित मोरङ कारागारमा कैदीबन्दीबीच झडप हुँदा छ जना घाइते भएका छन्।

चौकीदार किरण गुरुङले यातना दिएको भन्दै कैदीबन्दीहरू आन्दोलित भएका हुन् ।गुरुङको निर्देशनमा नाइके र भाइनाइकेहरूले यातना दिएको कैदीबन्दीको आरोप छ । गुरुङसहित उनको समूहका १४ जना नाइके र भाइनाइकेहरूलाई जेलभित्रैको एउटा कोठामा थुनिदिएपछि विवाद बढेको हो ।

विराटनगर कारागारका नाइके किरण गुरूङ र अर्का कैदी कात्तिक कामतको समूहबीच झडप हुँदा ६ जना कैदीबन्दी घाइते भएका निमित्त जेलर रामप्रसाद पोखरेलले जानकारी दिए । ‘किरण गुरुङ भन्ने चौकिदारको टिमविरुद्ध अर्को एउटा टिम खडा भएको रहेछ, विवाद बढेपछि झडप हुँदा छ जना घाइते भएका छन्’, उनले भने ।