आन्दोलित वकिलहरूकाे काठमाडौं उपत्यकाभित्रका सबै अदालत र न्यायाधिकरणमा धर्ना सुर

काठमाडौं ।  प्रधानन्यायाधीश चोलेन्द्रशम्शेर जबराको राजीनामाको माग गर्दै आन्दोलित वकिलहरूले बिहिबार काठमाडौं उपत्यकाभित्रका सबै अदालत र न्यायाधिकरणमा धर्ना दिँदैछन्।

नेपाल बार एशोसिएसनले घोषणा गरेको दोस्रो चरणको आन्दोलन कार्यक्रम अन्तर्गत आज बिहान १० बजेदेखि १२ बजेसम्म कालोपट्टी बाँधेर अदालत र न्यायाधिकरणमा धर्ना दिन सुरू भउकाे हाे।

नेपाल बार एशोसिएसनको अगुवाइमा यसअघि कानुन व्यवसायीहरूले सर्वोच्च अदालत परिसरमा प्रदर्शन र धर्ना दिंदै आएका थिए । बारले प्रधानन्यायाधीशलाई राजीनामा दिन अल्टिमेटम दिए पनि उनले राजीनामा नदिएपछि आन्दोलन रोकिएको छैन ।

सत्तासँग सौदाबाजी गर्ने न्यायालयलाई विवादमा पारिरहेको भन्दै सर्वोच्चका सबै न्यायाधीशहरूले पनि प्रधानन्यायाधीशको राजीनामा मागेका छन्।