नेपाली बजारमा सुनको मूल्यमा भारी वृद्धि

काठमाडौं नेपाली बजारमा सुनको मूल्यमा भारी वृद्धि भएकाे छ । एकैदिन तोलामा १३ सय रुपैयाँले सुनको मूल्य बढेको हो । 

नेपाल सुनचाँदी व्यवसायी महासंघका अनुसार आज छापावाला सुन तोलामा ९४ हजार रुपैयाँमा कारोबार भइरहेको छ । अघिल्लो दिन छापावाला सुन ९२ हजार ७ सय रुपैयाँमा काराेबार भएकाे थियाे । 

यस्तै आज तेजावी सुन प्रतितोला ९३ हजार ५ सय रुपैयाँमा कारोबार भइरहेको छ । महासंघका अनुसार चाँदी तोलामा २० रुपैयाँले बढेर प्रतितोला १ हजार २ सय ७० रुपैयाँ पुगेको छ ।