पूर्व न्यायाधीश फोरमले भन्याे-जबराको वक्तव्य भ्रष्टाचार लुकाउन गरिएको दुष्प्रचार मात्र हाे

काठमाडौं । पूर्व न्यायाधीश फोरमले प्रधानन्यायाधीश चोलेन्द्रशम्शेर जबराले गरेको वार्ताको आहृवान न्यायको विचलन र भ्रष्टाचार लुकाउन गरिएको दुष्प्रचार मात्र भएको बताएको छ । यो न्यायालयको हित नरहेको भन्दै फोरमले जबराले तत्काल राजीनामा दिने बताएको छ ।

पूर्वन्यायाधीश फोरमले राजधानीमा सोमबार पत्रकार सम्मेलन गर्दै जबराको विज्ञप्तिलाई न्यायालय सुधारको अभियानलाई प्रभावित पार्ने कुटिल उद्देश्यले आएको बताएको छ।

‘प्रधानन्यायाधीश चोलेन्द्र शमशेर राणाबाट जारी गरिएको वार्ताका लागि आव्हान गरेको विज्ञप्ति न्यायको विचलन तथा भ्रष्टचार लुकाउन गरिएको पुष्प्रयास मात्र हो। यो न्यायालयको हितमा रहेको देखिदैन,’ पत्रकार सम्मेलनपछि जारी गरेको विज्ञप्तिमा भनिएको छ।