प्रदेश १ काे आजको प्रदेशसभा बैठक स्थगन गर्न एमालेको माग

विराटनगर । बन्दका कारण आफ्ना सांसद आउन नसकेको भन्दै नेकपा (एमाले)ले प्रदेश १ को आजको बैठक स्थगन गर्न माग गरेको छ । 

प्रदेशसभाको मंगलबार बोलाइएको बैठकमा मुख्यमन्त्री राजेन्द्र राईले विश्वासको मत दिने तयारी गरेका छन् । त्यसअघि बसेको कार्यव्यवस्था परामर्श समितिको बैठकमा एमालेले विप्लव समूहले गरेको बन्दका कारण सांसदहरु आउन नसकेको भन्दै बैठक स्थगित गर्न माग गरेको छ ।

पाँच गठबन्धन दलका तर्फबाट मुख्यमन्त्री बनेका राईले आजको बैठकमा विश्वास मत लिने प्रदेशसभा सचिवालयमा प्रस्ताव दर्ता गराएका थिए । कार्यव्यवस्थाको बैठकमा एमालेले सदन स्थगन गर्न माग गरेको हो ।