गाेलरहित बराबरीमा रोकिए अर्जेन्टिना र ब्राजिल

काठमाडौं ।  फिफा विश्वकप छनोटमा ब्राजिल र अर्जेन्टिनाले बराबरी खेल्दै अंक बाँडेका छन् । 

ब्राजिलसँग बराबरीमा रोकिएपछि अर्जेन्टिना छनाेट प्रतियाेगिताकाे ५ खेल अगावै कतार फिफा विश्वकपमा छनोट हुनबाट रोकिएको छ ।

यो खेलमा जित निकालेको भए अर्जेन्टिनाले कतार विश्वकपका लागि स्थान बनाउने थियो । तर अब उसले अरु खेलसम्म पर्खिनु पर्ने भएको छ । समूहको शीर्ष स्थानमा रहेको ब्राजिल यसअघि नै कतार विश्वकपमा छनोट भइसकेको छ । समूहको दोस्रो स्थानमा रहेको अर्जेन्टिनाको विश्वकपमा छनोट हुने सम्भावना भने बलियो छ ।

अर्जेन्टिनाको १३ खेलमा २९ अंकसहित दोस्रो स्थानमा छ । इक्वेडर १४ खेलमा २३ अंकसहित तेस्रो तथा समान खेलमा कोलोम्बिया १७ अंकसहित चौथो स्थानमा छ ।