शशांकलाई सिंहको जवाफ : प्रकाशमानको रेकर्ड हेर्नुस्

काठमाडौं । नेपाली कांग्रेसका महामन्त्री शशांक कोइरालाले प्रकाशमान सिंहलाई काठमाडौंबाहिर चिन्दैनन् भनेर टिप्पणी गरेपछि नेता सिंहले रेकर्ड हेर्न चुनौती दिएका छन् ।

बुधबार विराटनगरमा आयोजित कार्यक्रममा नेता सिंहले आफ्नाबारे दुस्प्रचार भएको बताए । पहिले काठमाडौंमै चिन्दैन भन्ने गरेको र अहिले काठमाडौं बाहिर चिन्दैन भन्ने गरेको भन्दै उनले भने, ‘प्रकाशमानको रेकर्ड हेरोस् ।’

नेता  सिंहले हरेक नेताको परीक्षण संकटको अवस्थामा हुने भन्दै आफ्नो रेकर्ड हेर्न कार्यकर्तालाई पनि अनुरोध गरेका छन् ।