अमेरिकी सहायक विदेशमन्त्री डोनाल्ड लुु र प्रधानमन्त्री शेरबहादुर देउवाबीच आज बेलुका भेटवार्ता हुने

काठमाडौं । बुधबार बेलुका काठमाडौं भ्रमणमा आइपुगेका अमेरिकी सहायक विदेशमन्त्री डोनाल्ड लुु र प्रधानमन्त्री शेरबहादुर देउवाबीच आज बेलुका भेटवार्ता हुने भएको छ ।

 लु हिजो साँझ काठमाडौँ उत्रेका थिए ।दुई महिनाअघि सहायक विदेशमन्त्रीको कार्यभार सम्हालेका लुले आज अपराह्न प्रधानमन्त्री देउवासँग उनको सरकारी निवासमा शिष्टाचार भेट गर्ने कार्यक्रम रहेको परराष्ट्र मन्त्रालयले जनाएको छ । लुले भोलि परराष्ट्रमन्त्री डा. नारायण खड्कासँग पनि भेट गर्नेछन् ।

दुबै पक्षले एमसीसीबारे खुलेर केही नबताएपनि सहायक विदेशमन्त्री लूले देउवासँग एमसीसीको अनुमोदनबारे चासो राख्नेछन् ।